Mathilda, izina ry’umukobwa uharanira gukemura ibibazo by’abandi

Yanditswe na Ndayikunda Josué
Kuya 6 Kanama 2019 saa 07:26
Yasuwe :
0 0

Mathilda ni izina ry’abakobwa, rifitanye isano n’irindi jambo ry’Ikidage ryitwa ‘Mathild’ bivuga umunyembaraga.

Ubusanzwe Mathilda igizwe n’amagambo abiri y’Ikidage ariyo “math’’ na ‘‘hild’’ iyo bihuye bisobanura imbaraga n’ubushobozi.

Ni izina ryamamaye cyane muri Denmark mu 2009, riza no muri 20 ya mbere akunzwe muri icyo gihugu.

Mathilda ni izina ryakunzwe cyane mu bihugu by’u Burayi birimo Norvège, Finland, na Suède, rikomeza no kugenda ryigarurira imitima y’Abongereza n’Abafaransa.

Mu 2017, abana 113 b’abakobwa mu Bufaransa bahawe izina rya Mathilda.

-  Ibiranga ba Mathilda

Abakobwa bitwa ba Mathilda barangwa no kwita ku baturanyi babo n’abantu muri rusange. Iyi myitwarire ituma bakundwa cyane n’abantu.

Bifitemo ubuyobozi kandi bazi gushyira gahunda ku murongo no kuyobora amatsinda. Bakunda gufasha bakanatanga iby’agaciro ku bakene. Ibi bituma bakunda kumara umwanya utari muto bakora ibikorwa bigirira akamaro abantu benshi.

Ba Mathilda bakunda gukora cyane bakanimariramo ibyo barimo, ibi bigatuma iyo hari ikitagenze neza biheba cyane bakiyanga. Kubera gukunda gukora cyane kwabo usanga baba bashaka ko n’abandi bakora ku buryo babashyiraho igitutu.

Amazina afitanye isano n’iri ya hafi arimo Mathylda, Mathylde, Matilda, Mathita, Milda, Milada, Matylda na Milouda.

Abantu bazwi cyane bakoresha iri zina barimo umukinnyi wa film ukomoka mu Bufaransa Mathilda May n’Umwongereza Katherine Mathilda Swinton.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza