Ibirori biratashye! Kamena irasiga Umutoni Pamella wahatanye muri Miss Rwanda arushinze

Yanditswe na Uwiduhaye Theos
Kuya 9 Gicurasi 2019 saa 08:09
Yasuwe :
0 0

Umutoni Pamella wari mu bakobwa 15 bashakishwagamo Nyampinga w’u Rwanda mu 2017 ariko ntabashe kwegukana ikamba muri iri rushanwa, muri Kamena uyu mwaka azashyingiranwa na Kevin Murenzi bamaze igihe bakundana.

Urukundo rwa Umutoni Pamellla na Kevin Murenzi rwatangiye kwitamurura mu 2018 aho umusore atasibaga kugaragaza amarangamutima menshi kuri uyu mukobwa.

Hari igihe cyageze bitangira gukekwa ko batandukanye kubera ko amafoto yose bahuriragaho yari ari ku mbuga nkoranyambaza za Murenzi yasibwe, ariko bashaka kurinda ubusugire bw’urukundo rwabo ndetse birinda ko bisakara mu itangazamakuru.

Kuri ubu noneho iby’urukundo rwabo byagiye ahabona ndetse ku wa 26 Mata 2019 bahurije hamwe inshuti n’abavandimwe ku Kicukiro babereka ibijyanye na gahunda y’ubukwe byose.

Impapuro z’ubutumire bw’ubukwe bwabo zamaze kujya hanze aho ku wa 1 Kamena 2019 hazabaho umuhango wo gusaba no gukwa ahitwa Tropicana ku Kicukiro.

Ku wa 8 Kamena 2019, hazabaho umuhango wo guhana isezerano ndakuka imbere y’Imana muri Kiliziya Gatolika kuri Paruwasi ya Mutagatifu Michel mu mujyi rwagati.

Abatumiwe bazajya kwishimira ibyo birori ku Kagarama ku Kicukiro.

Umutoni Pamella abaye uwa kabiri mu bo bari bahatanye muri Miss Rwanda ya 2017 ugiye kurushinga kuko Miss Umutoni Uwase Belinda ku wa 1 Ukwakira 2017 yakoze ubukwe n’umukunzi we Theo Gakire Ntarugera.

Kevin Murenzi na Umutoni Pamella bagiye gukora ubukwe mu kwezi kuri imbere
Umutoni Pamella yari ari mu bakobwa bahabwa amahirwe muri Miss Rwanda mu 2017 ariko ntiyabasha kwegukana ikamba na rimwe
Ubukwe bwa Umutoni Pamella na Kevin Murenzi buzaba mu ntangiro za Kamena

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza