Amakuru dukesha BBC avuga ko aho gushyira ifoto y’Umwami Charles III kuri iyi noti hazashyirwaho ibirango bijyanye n’umuco n’amateka y’Abanya-Australia b’abasangwabutaka.

Kimwe n’ibindi bihugu byinshi bigendera ku Bwami bw’u Bwongereza, Australia nayo yari yarahiriye inoti ya $5 kujyaho ifoto y’Umuyobozi w’ikirenga w’iki gihugu. Ubwo Umwamikazi Elizabeth II yatangaga, hatangiye kuzamuka impaka hibazwa niba uzamusimbura nawe azashyirwa ku mafaranga.

Mu itangazo Banki Nkuru ya Australia yashyize hanze yavuze ko “yafashe iki cyemezo cyo kudashyira ifoto y’Umwami Charles III nyuma yo kubijyaho inama na Guverinoma y’iki gihugu.”

Iyi banki yakomeje ivuga ko mu gukora iyi noti nshya izabanza kugisha inama abaturage ku bijyanye n’imiterere yayo. Biteganyijwe ko iyi noti nshya $5 itazahagarika burundu ikoreshwa ry’iyari isanzwe ari nayo iriho Umwamikazi Elizabeth II.

Australia yanze gushyira ifoto y’Umwami Charles III ku mafaranga yayo nk'uko byari bimeze ku Mwamikazi Elizabeth II