Indonesia igiye gusubiza toni 210 z’imyanda muri Australia

Yanditswe na IGIHE
Kuya 10 Nyakanga 2019 saa 12:38
Yasuwe :
0 0

Igihugu cya Indonesia cyatangaje ko kigiye gusubiza muri Australia imyanda isaga toni 210 mu mugambi wacyo wo kwanga kuba ikimoteri ibihugu bikize biza kumenamo imyanda.

Mu mujyi wa Surabaya haherutse gufatirwa kontineri umunani zihetse imyanda irimo ibyahi by’abana byakoreshejwe, impapuro n’ibindi.

Nyuma y’igenzura, Minisiteri ishinzwe ibidukikije muri Indonesia yahise isaba ko iyo myanda isubizwa mu bihugu yaturutsemo.

Mu cyumweru gishize, Indonesia yatangaje ko igiye gusubiza kontineri 49 z’imyanda mu bihugu birimo u Bufaransa nkuko Aljazeera yabitangaje.

Muri Gicurasi uyu mwaka, Malaysia ituranye na Indonesia nayo yatangaje ko igiye gusubiza imyanda ya pulasitiki ingana na toni 45o yoherejwe ivuye mu bihugu birimo Australia, Bangladesh, Canada, u Bushinwa, u Buyapani, Arabie Saoudite na Leta Zunze Ubumwe za Amerika.

Ibihugu byo mu Majyepfo ashyira uburasirazuba bwa Aziya byatangiye koherezwamo imyanda myinshi guhera mu 2018 ubwo u Bushinwa bwatangazaga ko butazongera kugura imyanda ya pulasitiki iturutse mu bindi bihugu. Byatumye bimwe mu bihugu bishakisha ubundi buryo n’ahandi hantu ho kujugunya iyo myanda.

Ikigega mpuzamahanga cy’ibidukikije gitangaza ko buri mwaka mu Nyanja hamenwamo toni zisaga umunani z’imyanda ya pulasitiki.

Igihugu cya Indonesia cyatangaje ko kigiye gusubiza muri Indonesia imyanda isaga toni 210

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza