U Bushinwa: Umugore w’imyaka 36 yungutse miliyari 2.1 $ mu minsi ine gusa

Yanditswe na Ferdinand Maniraguha
Kuya 8 Mutarama 2018 saa 09:02
Yasuwe :
0 0

Yang Huiyan, umugore w’imyaka 36 akaba Visi Perezida wa sosiyete y’ubwubatsi ikomeye mu Bushinwa, Country Garden Holdings Co, yungutse miliyari 2.1 z’amadolari mu minsi ine ya mbere y’umwaka wa 2018.

Kubera iyo nyungu y’igihe gito, Yang usanzwe ari umunyamigabane mukuru wa Country Garden, yahise ajya ku mwanya wa gatanu w’abaherwe bo mu Bushinwa, ku butunzi bwa miliyari 25.6 z’amadolari nk’uko urutonde rwa Bloomberg Index rubigaragaza.

Umutungo wa Yang wiyongereye bivuye ku kwiyongera kw’agaciro k’imigabane ya Garden Holdings, kuko tariki ya 1 Mutarama 2018 agaciro kayo kari kiyongereyeho 6.9%, mu gihe umwaka warangiye kiyongereyeho 16 %.

Yang ni we mugore wa mbere muto kandi w’umuherwe mu Bushinwa. Ni we wasimbuye se mu kugenzura imigabane ya Country Garden Holdings mu mwaka wa 2005. Se ni Yang Guoqiang, umwe mu bashinze iyo sosiyete mu 1992.

Country Garden, ni sosiyete ikora ibijyanye n’ubwubatsi, iby’amahoteli n’ibindi. Ni imwe mu zihagazeho mu Bushinwa.

Iyo sosiyete kuri uyu wa Gatanu yatangaje ko imibare y’ibanze igaragaza ko yacuruje miliyari 85 z’amadolari mu mwaka ushize, birenga miliyari 76 z’amadolari bari biyemeje kugeraho.

Izindi sosiyete zikomeye z’ubwubatsi mu Bushinwa nka China Evergrande nazo zarungutse, bituma ubukungu bw’abaziyobora bwiyongera.

Umuyobozi wa China Evergrande, Hui Ka Yan, ufite ubukungu bwa miliyari 38.2 z’amadolari ari ku mwanya wa gatatu mu baherwe bo mu Bushinwa nyuma ya Jack Ma washinze Alibaba na Pony Ma uyobora Tencent.

Yang Huiyan (iburyo) niwe mugore muto w'umuherwe mu Bushinwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza