Urukiko muri Kenya rwategetse ko Ekuru Aukot ashyirwa mu bahatanira kuba Perezida

Yanditswe na Philbert Girinema
Kuya 11 Ukwakira 2017 saa 12:09
Yasuwe :
0 0

Kuri uyu wa Gatatu, Urukiko Rukuru muri Kenya rwategetse Komisiyo y’Amatora ko ishyira Ekuru Aukot uhagarariye ishyaka Thirdway Alliance mu bagomba guhatana mu matora ya Perezida wa Repubulika agomba gusubirwamo ku wa 26 Ukwakira 2017.

Umucamanza John Mativo yasabye Komisiyo yigenga ishinzwe amatora muri Kenya, IEBC, gusaba ivugururwa ry’iteka rigaragara mu igazeti ya leta ku bijyanye n’abakandida bagomba guhatanira mu matora asubiyemo ku mwanya w’Umukuru w’Igihugu, hanyuma hakongerwamo izina rya Aukot.

Umucamanza yavuze ko Aukot yari umwe mu barwanyije intsinzi ya Uhuru Kenyatta, ariko ko yabikoraga mu nyungu z’ishyaka rye. Yakomeje avuga ko atabona impamvu abari bashyigikiye igitekerezo cy’uko amatora asubirwamo batagira uruhare mu matora.

Hari hashize umunsi umwe Raila Odinga yikuye mu bahatanira umwanya w’Umukuru w’Igihugu. Gusubiramo amatora y’Umukuru w’Igihugu hagati ya Perezida Uhuru Kenyatta na Raila Odinga bahanganye byari byarashyizwe ku wa 26 Ukwakira, nyuma yaho Urukiko rw’Ikirenga rutesheje agaciro ibyavuye mu matora yari yemeje ko Uhuru Kenyatta ariwe watsinze ariko rukanzura ko yabayemo uburiganya.

Urukiko Rukuru muri Kenya rwemeje ko Ekuru Aukot uhagarariye ishyaka Thirdway Alliance ashyirwa mu bahatanira amatora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza