Perezida Kagame yakomoje ku bumenyi bwe mu Gifaransa

Yanditswe na Ishimwe Israel
Kuya 4 Ugushyingo 2018 saa 12:47
Yasuwe :
0 0

Igifaransa ni rwo rurimi rukumbi rukoreshwa mu Nama y’Abakuru b’Ibihugu by’Umuryango w’Ibigikoresha (OIF) n’izindi gahunda zawo.

Inama ya 17 ya OIF yabereye i Erevan muri Arménie ku wa 11-12 Ukwakira 2018, nta mwihariko yagize ku bijyanye n’indimi zikoreshwa! Ni yo Mushikiwabo Louise wayoboye Ububanyi n’Amahanga bw’u Rwanda kuva mu 2009 yatorewemo kuba Umunyamabanga wa OIF ahigitse Umunya-Canada, Michaëlle Jean.

Perezida Kagame ni we wamwamamaje, avuga ibigwi bye ndetse anashimira abamutoye.

Mu mu muhango wo gusezera Mushikiwabo no kwishimira intsinzi ye wabereye muri Kigali Convention Center ku wa 3 Ugushyingo 2018, Perezida Kagame yagarutse ku byabaye ku munsi Mushikiwabo yatoweho.

Mushikiwabo w’imyaka 57 yagarutse ku mvugo intyoza mu Gifaransa zikoresha mu gusezera umuntu muzakomeza kubonana.

Yagize ati “Ku batari bazi Igifaransa bagiye kukiga ku mpamvu zumvikana, ndifuza ko muva muri uyu munsi mukuru muzi kuvuga ‘On est ensemble’ (turi kumwe). Iri jambo ndarikunda kuko risobanura uko niyumva.”

Mu ijambo rye, Perezida Kagame yasuhuje abari muri uyu muhango asa n’uwibaza ati “Niba ndi buvuge mu ruhe rurimi, Igifaransa, Icyongereza?”

Yahise ahabwa amashyi menshi. Na we ati “Nonese n’icya ‘on est ensemble’ cyananira? Louise ‘a dit qu’on est ensemble.’

Umukuru w’Igihugu yahise akomoza ku buryo yakoresheje Igifaransa ubwo yari i Erevan.

Yagize ati “Turi i Erevan nta kuntu Louise yari gutsinda ngo anyuremo usibye abamushyigikiye twavugaga (abakuru b’ibihugu bya Afurika n’ibindi bigize OIF), ni njye wamuranze. Nagombaga kumuranga mu Gifaransa. Nagombye kuvuga amavu n’amavuko ye mu Gifaransa. Amaze gutorwa nashimiye abamutoye mu Gifaransa. Urabyumva ko urugendo rumaze kuba rurerure.”

Ibarura rusange ry’abaturage ryo mu 2012 ryagaragaje ko 11.4 % by’Abanyarwanda bafite imyaka guhera kuri 15 bavuga Igifaransa.

Umuyobozi wa Komisiyo ya Afurika Yunze Ubumwe (AU) mu mbwirwaruhame ye yasabiye ubufasha abatazi Igifaransa.

Yagize ati “Ndasaba abatavuga Igifaransa kwegera abakizi, ariko nizeye ko Perezida Kagame yazamuye cyane urwego rwe mu Gifaransa. Ntakeneye ubusemuzi.”

OIF yashinzwe mu 1970, ihuza ibihugu 88 bivuga Igifaransa. Afurika ifite ibihugu 29 muri 54 bifata ibyemezo.

Igenzura riheruka mu 2014 ryerekanye ko Igifaransa kivugwa na miliyoni 274 ku Isi. OIF yagaragaje ko mu Rwanda abakoresha Igifaransa ari 6%.

Umuyobozi w'Itorero ry'Igihugu, Bamporiki Edouard (hagati) nawe ni umwe mu bitabiriye uyu mugoroba
Ambasaderi wa Afurika y'Epfo mu Rwanda, George Nkosinati Twala ari kumwe na Rwiyemezamirimo Sina Gerard hamwe na Denis Karera
Perezida w’Urwego rw’Igihugu rushinzwe Intwari z’Igihugu, Imidari n’Impeta y’Ishimwe, Dr. Habumuremyi Pierre Damien, nawe yitabiriye ibi birori
Minisitiri w'Ubuzima, Dr Diane Gashumba, ubwo yageraga muri KCC
Umuyobozi uhagarariye Banki y’Isi mu Rwanda, Yasser El-Gammal, nawe yari yitabiriye ibi birori
Perezida wa Sena, Bernard Makuza, ubwo yageraga muri KCC
Perezida w'Inteko Ishinga Amategeko Umutwe w'Abadepite, Donatille Mukabalisa, ubwo yageraga muri KCC ahabereye ibi birori
Umugaba Mukuru w'Ingabo z'u Rwanda, Gen Patrick Nyamvumba, aganira na Komiseri wungirije ushinzwe ibikorwa muri Polisi y’Igihugu, CP Felix Namuhoranye
Umunyamabanga Mukuru w’Urwego rw’Igihugu rushinzwe umutekano n’iperereza (NISS), Maj. Gen. Joseph Nzabamwita, aganira na Ambasaderi wa Leta Zunze Ubumwe za Amerika mu Rwanda, Peter Vrooman
Umunyamabanga Mukuru wa RIB, Col Ruhunga Kibezi Jeannot (wambaye amadarubindi) nawe yari yitabiriye uyu mugoroba
Abayobozi batandukanye barimo Yvonne Makolo uyobora RwandAir bari bitabiriye uyu mugoroba wo kwishimira intsinzi ya Louise Mushikiwabo ku Bunyamabanga bwa OIF
Perezida Kagame na Madamu ubwo bageraga muri KCC ahabereye uyu muhango
Perezida Kagame ubwo yasuhuzaga abari bitabiriye ibi birori byo kwishimira intsinzi ya Louise Mushikiwabo
Perezida Kagame na Madamu hamwe n'abandi bayobozi bakurikiye imikino itandukanye yerekanywe muri uyu mugoroba wo gusezera Mushikiwabo
Abasore n'inkumi b'abanyarwanda berekanye ubuhanga mu mbyino zinyuranye
Umudiho wa Kinyarwanda ntiwibagiranye muri ibi birori
Minisitiri Mushikiwabo yashimiye byimazeyo Perezida Kagame wamugiriye icyizere kuva mu myaka 11 ishize
Mushikiwabo ati "Uko meze ubu mbikesha Perezida [Kagame], nshimira by’umwihariko"
Moussa yashimiye icyizere yagiriwe na Perezida Kagame cyo kumugisha inama kuri Mushikiwabo, umukandida w’u Rwanda na Afurika
Perezida Kagame yavuze ko yegereye Mushikiwabo akamubaza icyo atekereza kuri kandidatire ye muri OIF
Perezida Kagame yavuze ko yatanze kandidatire ya Mushikiwabo, aniteguye kumugumana mu Bubanyi n’Amahanga
Perezida Kagame yashimye ubumwe bw’abakuru b’ibihugu bya Afurika n’ibindi bihuriye muri OIF bashyigikiye Mushikiwabo

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza