Rubavu: Dasso yaturikanywe n’ikintu kitaramenyekana arakomereka

Yanditswe na Mukwaya olivier
Kuya 19 Ugushyingo 2017 saa 10:13
Yasuwe :
0 0

Dasso witwa Uwiringiyimana John yaturikanywe n’icyuma kitaramenyekana yatoraguye mu gipangu cy’Ibiro by’Akarere ka Rubavu, kuri uyu wa 18 Ugushyingo 2017.

Bamwe mu bavuganye na IGIHE bari ku biro by’akarere iyi mpanuka ikimara kuba badutangarije ko ari ikintu Uwiringiyimana yatoraguye akakijyana mu biro akoreramo uburinzi ku marembo y’Akarere ka Rubavu noneho arimo kuvugira kuri telefone kiraturika.

Umuvugizi wa Polisi mu Ntara y’Iburengerazuba, IP Gakwaya Eulade yemeje aya makuru avuga ko bakiri mu iperereza ngo hamenyekane icyamuturikanye.

Yagize ati “Kugeza ubu ntituramenya icyamuturikanye hari abavuga ko ari telephone; ni amakuru tugikurikirana ngo hamenyekane neza icyamuturikanye’’
Kugeza ubu uyu Dasso arwariye mu bitaro bya Gisenyi aho ari kwitabwaho n’abaganga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza