Iki kigo cyazamuye abanyamideli batandukanye bababaye ibyamamare ku Isi nka Naomi Campbell, Gisele Bündchen, Cindy Crawford, Lais Ribeiro n’abandi batandukanye.

The Look of the Year ifatanyije na Embrace Africa Rwanda Ltd isanzwe itegura amarushanwa y’ubwiza, yateguye igikorwa cyo gutoranya abanyamideli batatu bazazamurwa.

Guhera ku wa 28 Ukuboza 2022, hatangiye igikorwa cyo kwiyandikisha kizarangira ku wa 12 Mutarama 2023, aho haziyandikisha abanyamideli batandukanye.

Ndekwe Paulette uri gutegura iki gikorwa, yavuze ko basanzwe bagikora hirya no hino muri Afurika ariko bahisemo no kugikora mu Rwanda kuko babonye ko kigirira abanyamideli akamaro.

Abanyamedeli batatu bazatoranywa mu Rwanda bazahabwa amasezerano na The Look of the Year yo kubahuza n’ibigo mpuzamahanga mu mideli, bakazanafashwa kwitabira Dubai International Fashion week.

Uwiyandikisha yohereza imyirondoro ye [email protected]

The Look of the Year igiye gutoranya abamurika imideli batatu bo mu Rwanda kibafashe kugera ku ruhando mpuzamahanga.

The Look of the Year niyo nzu y'imideli yazamuye Naomi Campbell

Lais Ribeiro wo muri Bresil yazamuwe na The Look of the Year

Gisele Bündchen azwi cyane nk'umwe mu banyamideli bakomeye

Cindy Crawford uzwi cyane mu ruhando rw'imideli, urugendo rwe rwo kumenyakana rwagizwemo uruhare na The Look of the Year