Huawei yakoze telefone izahangana n’izikomeye ku isi

Yanditswe na Mfitumukiza Moïse
Kuya 18 Ukwakira 2017 saa 11:36
Yasuwe :
0 0

Sosiyete y’Abashinwa yazobereye mu gukora ibikoresho by’ikoranabuhanga, Huawei, igiye gushyira ku isoko telefone nshya yitezweho guhangana n’izikomeye ku isoko zirimo izikorwa na Samsung na Apple.

Iyi telefone yiswe Huawei Mate 10 Pro izaba ifite tableau nini (6in) , Cameras zayo imwe ifite megapixels 20 indi ikagira 12, ifite ubushobozi bw’imbere bwo kubika (RAM) bungana na 6GB naho ubushobozi bwa batiri yayo ni 400mAh.

Iyi telefone ifite umwihariko w’uko izaba ikoresha ubwenge bw’ubukorano(Artificial intelligence) buzajya buyifasha kumenya byihuse amafoto yafotowe ndetse no kubasha kumva ibiri kuba cyangwa bigiye kuba.

Iyi sosiyete iteganya kongeramo uburyo telefone izajya ibasha kumenya icyo nyirayo ashaka gukora, ikihutisha porogaramu uri gukoresha ndetse igacunga porogaramu zitari gukoreshwa ikazifunga mu rwego rwo kubika umuriro, ndetse ikazaba inifitemo uburyo bwo kwikorera isuku ngo ibashe gukomeza gukora neza.

Huawei Mate 10 Pro izaba ibasha gushyirwaho ‘Keyboard’ ndetse n’imbeba (Mouse) binyuze kuri Bluetooth.

Iyi telefone biteganyijwe ko izagera ku isoko mu Ugushyingo uyu mwaka, ikazaba igura amapawundi 800.

Iyi telefoni izashyirwa ku isoko mu Ugushyingo aho izaba igura ama-pound 800
Iyi telefone izaba ishobora gushyirwaho keyboard na mouse igakoreshwa nka mudasobwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza