’ThinkPhone’ yakozwe na Motorola, isanzwe n’ubundi iri mu bigo bibarizwa muri Lenovo.

Motorola ThinkPhone ikoresha Android 13 ikagira bateri ya 5000 mAh, ibintu biyiha ubushobozi bwo kubika umuriro igihe kirekire. Ifite kandi camera ebyiri, imwe ifite megapixel 50 indi ikagira megapixel 13.

Umwihariko w’iyi telefone ni ikoranabuhanga ifite rwiswe ‘Think 2 Think connectivity’ riyiha ubushobozi bwo gusangiza amafoto, inyandiko ndetse n’amashusho mudasobwa yo mu bwoko bwa ‘Thinkpad’ bitabaye ngombwa ko hifashishwa ‘USB’ cyangwa internet.

Iri koranabuhanga rijya rikora nk’irya Airdrop rifasha abakoresha mudasobwa za Apple na iPhones kohererezanya ibintu.

Motorola ThinkPhone iri ku giciro cya 530$, abari mu Rwanda bashobora kuyibona arenga gato ibihumbi 600 Frw.

ThinkPhone yakozwe na Motorola isanzwe ibarizwa mu kigo cy'ikoranabuhanga cya Lenovo

ThinkPhone ikoresha Android 13

Iyi telefone izaba ifite ikoranabuhanga rituma ikorana bya hafi na mudasobwa za ThinkPad