Mugisha Samuel ayoboye ikipe izahagararira u Rwanda muri Tour de l’espoir 2019

Yanditswe na Ngabo Roben
Kuya 11 Mutarama 2019 saa 09:03
Yasuwe :
0 0

Team Rwanda y’abatarengeje imyaka 23 igiye gukina isiganwa ‘Tour de l’Espoir 2019’ rizabera muri Cameroun ku nshuro ya kabiri, rizakinwa abakinnyi bashaka itike ya Tour de France y’ingimbi.

Ku nshuro ya kabiri itsinda ry’Abafaransa bategura amasiganwa y’abakinnyi bakiri bato ryateguye isiganwa rihuza abatarengeje imyaka 23 ‘Tour de l’Espoir’.

Isiganwa ry’uyu mwaka rizatangira tariki 4 Gashyantare risozwe tariki 9 Gashyantare 2019, nyuma yo kuzenguruka ibice bitandukanye by’igihugu cya Cameroun.

Abatoza b’ikipe y’igihugu y’u Rwanda Sterling Magnel na Sempoma Felix bamaze gutangaza urutonde rw’abakinnyi bazakina iri siganwa bayobowe na Mugisha Samuel wegukanye kamwe mu duce twa Tour de l’espoir 2018, aho yafashije mugenzi we Areruya Joseph kwegukana umwanya wa mbere ku rutonde rusange.

Mugisha Samuel yabwiye IGIHE ko intego bazajyana muri Cameroun ari ukwisubiza umwenda w’umuhondo, bagakomeza kuyobora Afurika mu mukino wo gusiganwa ku magare.

Ati “Umwaka wa 2018 waraduhiriye cyane dutwara amasiganwa menshi mpuzamahanga bituma tujya ku mwanya wa mbere muri Afurika. Tour de l’espoir 2019 niyo dushaka kwerekaniramo ko bitadutunguye, ahubwo ari urwego rwacu rwazamutse. Dukomeje kwitegura neza kandi twiteguye kwisubiza umwanya wa mbere nanone nk’uko Areruya yabikoze umwaka ushize.”

Iyi kipe izakina Tour de l’espoir irimo abakinnyi babiri; Mugisha Samuel na Munyaneza Didier bazaba banavuye muri La Tropicale Amissa Bongo izenguruka igihugu cya Gabon izayibanziriza.

Urutonde rw’abazahagararira u Rwanda muri Tour de l’espoir

1. Samuel Mugisha

2. Moise Mugisha

3. Samuel Hakiruwizeye

4. Didier Munyaneza

5. Yves Nkurunziza

6. Eric Manizabayo

Imihanda izakoresha muri iri siganwa

• Agace ka mbere: Douala › Douala, 18.6Km (tariki 4 Gashyantare 2019)

• Agace ka kabiri: Douala › Douala, 102.3Km (tariki 5 Gashyantare 2019)

• Agace ka gatatu: Nkongsamba › Dschang, 68.3Km (tariki 6 Gashyantare 2019)

• Agace ka kane: Ngoulemakong › Yaoundé, 111.1Km (Tariki 8 Gashyantare 2019)

• Agace ka Gatanu: Yaoundé › Yaoundé, 103.4Km (Tariki 9 Gashyantare 2019)

Mugisha Samuel niwe uzaba uyoboye ikipe y'u Rwanda muri Tour de l'espoir
Muri Tour de l'espoir 2018 Mugisha yari ashinzwe kurinda Areruya Joseph wegukanye isiganwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza