00:00:00 IGIHE NETWORK KN KINYARWANDA EN ENGLISH FR FRANCAIS

NBA: Mavericks na Phoenix zageze ku mukino wa gatandatu, Golden State Warriors irategerejwe

Yanditswe na Mihigo Saddam
Kuya 13 May 2022 saa 12:05
Yasuwe :

Imikino ya kamarampaka ya NBA igeze ku mukino wayo wa gatandatu, amakipe akomeje kwesurana arwana no kubona itike igana mu kindi cyiciro. Dallas Mavericks yujuje imikino itandatu itsinda Phoenix amanota 113-86.

Intsinzi ya gatatu Dallas yabonye yayisubije mu murongo utuma isabwa gutsinda umukino w’umunsi wa karindwi kugira ngo ikomeze.

Agace ka ka mbere kabaye keza kuri Dallas batsinda amanota 28-25 mbere yo gutsinda agace ka kabiri amanota 32-20. Agace ka gatatu, Dallas yatsinze amanota 34-27.

Agace ka nyuma karumbyemo amanota kurusha uduce twabanje kuko Dallas yagasoje itsinze amanota 19-14.

Muri uyu mukino, Luka Dončić yafashije cyane Dallas ayitsindira amanota 33 mu minota 35 yakinnye. Jalen Brunson yatsinze amanota 18 naho Reggie Bullock atsinda amanota 19.

Ku ruhande rwa Phoenix itigeze iyobora agace na kamwe, yagize abakinnyi bagerageje kuzamura amanota barimo; Deandre Ayton watsinze 21, Devin Booker yatsinze amanota 19 mu minota 39.

Chris Paul ari mu bakinnyi bakinnye igihe kinini, aho yanatsinze amanota 13 muri 86 y’ikipe yose.

Indi mikino yakinwe, Memphis Grizzilies yatsinze Golden State Warriors amanota 134-95 (38-28,39-22, 42-17, 15-28). Amakipe yombi yakinaga umukino wa gatanu.

Mu mikino itanu amakipe yombi amaze gukina, Golden State Warriors iri imbere kuko ifite intsinzi eshatu kuri ebyiri za Memphis Grizzlies.

Mu rucyerera rw’uyu wa Gatandatu tariki 14 Gicurasi 2022 nibwo amakipe yombi yongera gukina bahatanira gushaka intsinzi mu mukino wa gatandatu.

Milwaukee Bucks yabonye intsinze ya gatatu itsinda Boston Celtics amanota 110-107 (28-26, 19-28, 30-32, 33-21).

Muri uyu mukino, Jayson Tatum wa Boston Celtics yatsinze amanota 34 mu gihe Jaylen Brown yatsinze amanota 26.

Mu mukino rusange, Giannis Antetokounmpo wa Bucks niwe watsinze amanota menshi utanasimbuwe kuko yakinnye umukino wose atsinda amanota 40.

Mugenzi we Jrue Holiday yatsinze amanota 24. Pat Connaughton atsinda amanota 13.

Amakipe yombi arongera ahurire mu mukino w’umunsi wa gatandatu mu rucyerera rw’uyu wa Gatandatu tariki 14 Gicurasi 2022 saa saba n’igice ku masaha ya Kigali.

Undi mukino w’umunsi wa gatandatu wakinwe, Philadelphia 76Ers yakinaga na Miami Heat. Miami Heat yatsinze Philadelphia amanota 99-90 (28-25, 21-23, 25-15, 25-27).

Mu mikino itandatu imaze guhuza amakipe yombi, Miami Heat ifitemo intsinzi enye kuri ebyiri za Philadelphia.

Memphis Grizzlies na Golden State Warriors barongera bahurire mu mukino wa gatandatu
Dallas Mavericks yinjiye mu murongo ushobora kuyiha itike
Golden State Warriors yinjiye mu mibare igoye nyuma yo gutsindwa na Memphis

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .