00:00:00 IGIHE NETWORK KN KINYARWANDA EN ENGLISH FR FRANCAIS

Apple irashaka kugura Manchester United

Yanditswe na Umwali Zhuri
Kuya 24 Ugushyingo 2022 saa 05:12
Yasuwe :

Sosiyete ya kabiri ku Isi ifite umutungo munini, Apple Inc, irateganya kugura Ikipe ya Manchester United iherutse gushyirwa ku isoko na ba nyirayo bo mu muryango witwa Glazer.

Manchester United biravugwa ko uzayigura agomba kwishyura nibura miliyari 5,8£.

Iyi sosiyete ikomeye ku Isi mu bijyanye no gukora ibikoresho by’ikoranabuhanga, ni ubwa mbere yaba yinjiye mu bijyanye n’imikino kuko nta kipe yigeze itunga mbere.

Umuyobozi wa Apple, Tim Cook, biravugwa ko yaba ari kureba uburyo ikigo ayobora cyashora imari muri Manchester United. Mu gihe koko iyi kipe yagurwa, amafaranga yayitangwaho, yaba aruta miliyari 4,25£, abaherwe bishyize hamwe bayobowe na Todd Boehly bishyuye kugira ngo bagure Chelsea.

Kimwe mu bibazo biri mu igurishwa ry’iyi kipe, ni Stade yayo ya Old Trafford. Ni ikibuga bimaze igihe kinini bivugwa ko kigomba kuvugururwa kugira ngo kijyanye n’aho Isi igeze ndetse n’ubuhangange bwa Manchester United, bivugwa ko kuyivugurura byonyine bishobora gutwara miliyari 1,5£.

Ntabwo ari Cook wenyine uvuzweho gushaka kugura iyi kipe kuko no mu minsi ishize, Elon Musk nyiri Tesla na Twitter akaba n’umuherwe wa mbere ku Isi, yavuze ko yifuza kuba yagura iyi kipe.

Apple ni sosiyete ya kabiri ku Isi ifite umutungo munini, kuko ibarirwa muri miliyari ibihumbi 2,37$. Yavuye ku mwanya wa mbere muri Gicurasi 2022 ihigitswe na Aramco yo muri Arabie Saoudite icuruza ibikomoka kuri peteroli ifite agaciro ka miliyari ibihumbi 2,42$.

Manchester United iherutse gushyirwa ku isoko n'abaherwe bo muri Amerika bari bamaze imyaka 17 bayiyobora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .