Musabyimana na Ntagungira bayoboye Ferwafa bahawe imyanya muri CAF

Yanditswe na IGIHE
Kuya 12 Ukwakira 2017 saa 03:37
Yasuwe :
0 0

Célestin Musabyimana na Célestin Ntagungira wamenyekanye nka Abega ari umusifuzi mpuzamahanga, bahawe imyanya muri Komite z’Ishyirahamwe ry’Umupira w’Amaguru muri Afurika, CAF.

Musabyimana yabaye Visi Perezida wa Ferwafa mu gihe iri shyirahamwe ry’umupira w’amaguru mu Rwanda ryayoborwaga na Lt. Gen. Ceaser Kayizari naho Ntagungira we yabaye Perezida waryo mu myaka ya 2012.

Perezida wa CAF, Ahmad Ahmad, yashyize Musabyimana muri Komite ishinzwe gutegura imikino y’igikombe cya Afurika cy’ibihugu. Ni mu gihe Ntagungira wamenyekanye ayobora Ferwafa akaba n’umusifuzi mpuzamahanga wo ku ruhande (linesman), we yagizwe umwe mu batanga amahugurwa ya CAF na FIFA mu by’imisifurire aho azaba abarizwa muri Komite y’imisifurire.

Nkuko byatangajwe na Ferwafa, CAF yemeje Ntagungira na Musabyimana muri iki Cyumweru ubwo bari batumiwe ku cyicaro cy’iri shyirahamwe mu Misiri.

Aba bombi bazamara igihe cy’imyaka ine bari muri izi komite aho bazaba bashinzwe cyane cyane ishyirwa mu bikorwa no gutegura ibyatuma umupira w’amaguru utera imbere muri Afurika.

Nyuma yaho aba bagabo bashyizwe muri izi komite, kuri uyu wa Gatatu hateranye abashinzwe gutegura imikino y’igikombe cya Afurika. Iri rushanwa rizakirwa na Cameroon mu 2019, Côte d’Ivoire mu 2021 na Guinea mu 2023.

Komite ishinzwe gutegura imikino y’Igikombe cya Afurika muri CAF ubwo yateranaga kuri uyu wa Gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza