Allioni yavuze ku rukundo rwavuzwe hagati ye n’umurinzi wa Bruce Melodie

Yanditswe na Uwiduhaye Theos
Kuya 11 Kanama 2019 saa 03:06
Yasuwe :
0 0

Umuhanzikazi Allioni Buzindu yahakanye amakuru amaze iminsi acicikana ku mbuga nkoranyambaga avuga ko ari mu rukundo n’umurinzi witwa Jean Luc ukunze kuba hafi ya Bruce Melodie.

Inkuru y’urukundo rwa Allioni na Iradukunda Jean Luc ukunze kwiyita ‘Mubi Cyane’ yatangiye guhwihwiswa nyuma yaho muri iyi minsi bakundaga kuba bari kumwe.

Si ibyo gusa ahubwo wasangaga bakunze gushyira hanze amafoto bari kumwe ubona bafitanye ubumwe budasanzwe, ikindi cyatumye abantu bakeka ko baba bakundana ni uko uyu musore akurikira Allioni wenyine kuri Instagram, ntanakurikire Bruce Melodie. Amakuru yakwiriye avuga ko aba bombi baba bari mu rukundo rwuzuye.

Allioni yifashishije urubuga rwa Instagram yanyomoje aya makuru avuga ko adakundana na Jean Luc kuko ari abanyamwuga kandi bakaba bahuzwa n’akazi nta kindi kirenze ibyo.

Ati “Abantu barandika cyangwa bakavuga ibyo bashatse ku nyungu zabo bwite ariko nashakaga kubamenyeshako njyewe na Jean Luc turi abanyamwuga duhuzwa n’akazi ibirenze ibyo muri kumva si byo.”

Allioni yaherukaga kuvugwa mu nkuru z’urukundo mu 2017 ubwo hadukaga inkuru zivuga ko yaba afite umusore i Dubai ngo bateguraga ubukwe ariko biza kurangira ntawe umenye iherezo ryabyo.

Mu 2014 Allioni yavuzwe mu rukundo na Washington David Ebangiti uzwi cyane muri Uganda no mu karere nka Producer Washington nabyo birasakuza cyane mu itangazamakuru.

Icyo gihe bombi barabihakanye, Allioni we yemeza ko ahubwo iyi nkuru ari urucantege ndetse nta kintu na kimwe imwungura mu muziki uretse kumugaragaza nk’umukobwa wananiranye uhora uzenguruka mu bagabo gusa.

Allioni aherutse kuvuga ko muri iyi minsi nta mukunzi akeneye kuko hari byinshi ari guha umwanya munini harimo n’umuziki kandi akaba atabibangikanya no kujya mu rukundo.

Uyu mukobwa ngo aheruka kujya mu rukundo mu 2011, icyo gihe ngo yari akiri umwana we n’umukunzi we bose biga mu mashuri yisumbuye, nyuma agenda ahakanira abasore bamwifuzagaho urukundo.

Ngo aba bombi bahuzwa n'akazi
Kuri Instagram, Jean Luc akurikira Allioni wenyine, kikaba kiri mu byateye benshi amakenga ku mubano bafitanye

Allioni aherutse gushyira hanze indirimbo yise "Tuku Tuku"


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza