M1 mu mishinga mishya ibimburiwe n’indirimbo yatuye abanyabirori (Video)

Yanditswe na Dusabimana Aimable
Kuya 6 Werurwe 2018 saa 09:26
Yasuwe :
0 0

Umuririmbyi M1 wibanda ku muziki w’injyana ya Dancehall yanzitse ibikorwa mu mishinga mishya ahereye ku ndirimbo yitezeho kumugarura mu ruhando rw’abahanzi bashyira imbaraga mu muziki mu gihugu.

M1 ubusanzwe witwa Olivier Joseph Nzamwita yatangiye umuziki mu 2012, akora zimwe mu ndirimbo zitandukanye, hamenyekana cyane iyitwa ’Ibihu’. Avuga ko yari amaze igihe adakora umuziki mu buryo yifuza ahanini biturutse ku masomo.

Yabwiye IGIHE ko nyuma y’igihe acecetse mu muziki yiteguye kongera kugaruka ku isoko mu mishinga mishya ibimburiwe n’indirimbo yise ’Perfect’ yitezeho kunyura abakunda gusohoka. Uyu muhanzi yavuze ko agiye gushyira imbaraga nyinshi mu muziki ashyigikiwe n’ubujyanama bushya yungutse.

Yagize ati "Niteguye gukoresha ingufu nyinshi zisumbuye ku zo nakoreshaga mbere, bishimangirwa n’iyi ndirimbo izanye n’amashusho yayo. Izakurikirwa n’indi mishinga inyuranye irimo indirimbo turi gutegura n’abahanzi ba hano ndetse n’abo hanze, nibigenda neza turategura na album nshya."

Yongeyeho ati "’Perfect’ natangiriyeho ikozwe mu njyana ya Dancehall, ni indirimbo y’abakunda gusohoka, abakunda kubyina n’abanyabirori muri rusange. Yatunganyijwe na Nessim wo muri Uganda, amashusho akorwa na Meddy Saleh."

Yavuze ko gusobwa mu bikorwa yakoraga by’umuziki no guhagarara byaturutse ku kuba mu myaka ishize yarifashaga ariko kuri ubu akaba yizeye impinduka n’iterambere abifashijwemo n’ubujyanama bushya yungutse. M1 kuri ubu ari gufashwa mu muziki n’inzu nshya ya ’One More Music’ yashinzwe na Esther Rubera.

Esther Rubera, umujyanama mushya wa M1 akaba n’umuvandimwe we avuga ko itandukaniro n’impinduka zo kwitega mu bikorwa by’uyu muhanzi zirangajwe imbere no kuba atazongera kugorwa no kubona aho akorera ibikorwa bye nyuma yo gushyirwa mu nzu nshya itunganya umuziki.

M1 yakoze indirimbo zitandukanye zirimo iyitwa ’Iyo foto’, ’Uritonda’, ’Brenda’ ari kumwe na Bruce Melodie, ’Juliana’ yakoranye na Umutare Gaby n’izindi. Yanyuze mu maboko y’abakomeye mu gutunganya umuziki mu Rwanda barimo Pastor P n’abandi.

M1 yacurangiwe na Nessim wo muri Uganda
M1 yinjiye mu mihigo mishya abifashijwamo n'umujyanama mushya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza