Uganda: Urubanza rw’uwishe Radio rwahawe urukiko rukuru

Yanditswe na Dusabimana Aimable
Kuya 19 Kamena 2018 saa 07:49
Yasuwe :
0 0

Urubanza rw’umugabo witwa Godfrey “Troy” Wamala ukurikiranyweho urupfu rw’umuhanzi Mowzey Radio rwashyizwe mu maboko y’urukiko rukuru hemezwa ko ibimenyetso byose bimuhamya icyaha byamaze gukusanywa ku buryo yakatirwa.

Umushinjacyaha Julius Muhiirwe yavuze ko iperereza ku kirego cya Troy ryageze ku myanzuro ndetse afite amabwiriza yahawe n’Umuyobozi w’ubushinjacyaha yo kumujyana mu rukiko kuko hari ibimenyetso bigaragaza ko yari aho Radio yakubitiwe.

Moses Ssekibogo “Radio” yakubiswe mu ijoro ryo ku wa Mbere, tariki 22 Mutarama 2018 ubwo yari ari mu kabari kitwa De Bar gaherereye mu Mujyi wa Entebbe. Yagiye muri ‘coma’ by’akanya gato muri Case Hospital nyuma arabagwa ariko birangira yitabye Imana mu gitondo cyo ku itariki ya 1 Gashyantare 2018.

Daily Monitor ivuga ko mu bimenyetso by’ubushinjacyaha hagaragajwe ko ku munsi Radio akubitwa uyu mugabo yagaragaye mu masaha ya mbere yaho asangira na nyakwigendera waje gukozanyaho n’abandi bari bahari.

Bivugwa ko yasutse inzoga ku bantu bamwe mu kabari ka De Bar hanyuma uwitwa Pamella na Ategeka bakamusohora bakurikiwe na Troy Wamala akamubamburana ingufu nyinshi agatangira kumuhondagura yarangiza akiruka agahungira ahitwa Kyengera kugeza ku itariki ya 4 Gashyantare ubwo yumvaga urupfu rwa Radio akishyikiriza polisi.

Ubushinjacyaha bunateganya gukoresha ibyaganiriwe kuri telefoni n’abari mu kirego mbere, na nyuma y’uko Radio akubitwa ndetse n’igishushanyo cy’uko byari byifashe muri DeBar ahabereye iyo mirwano.

Umucamanza Mukuru w’urukiko rwa Entebbe, Susan Okeni, yasubije Troy Wamala muri Gereza ya Luzira kugeza ubwo azongera guhamagarwa bagatangira kumuburanisha.

De Bar, i Entebbe aho Radio yakubitiwe
Ibimenyetso bihamya icyaha Godfrey Wamala [bakunze kwita Troy] ko yishe Radio byamaze gukusanywa
Mowzey Radio yashyinguwe mu cyaro cya Nakawuku muri Wakiso ku ivuko rye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza