00:00:00 IGIHE NETWORK KN KINYARWANDA EN ENGLISH FR FRANCAIS

Zabyaye amahari hagati ya ‘Isango na Muzika Awards’ n’umuraperi Zilha

Yanditswe na Nsengiyumva Emmy
Kuya 24 Ugushyingo 2022 saa 09:07
Yasuwe :

Ubuyobozi bwa Isango na Muzika Awards bwavuze ko nta mugambi mubisha bigeze bagira wo gupyinagaza injyana ya Hip Hop binyuze muri ibi bihembo, nyuma yo kubishinjwa n’umuraperi Zilha.

Ibi babigarutseho nyuma yo kwibasirwa bikomeye n’umuraperi Zilha umaze iminsi abashinja kugaba igitero ku njyana ya Hip Hop. Byatewe n’uko mu bihembo bya Isango na Muzika Awards 2022 nta muhanzi ukora iyi njyana urimo uretse Fireman nawe wazamukiye ku ndirimbo ’Muzadukumbura’ ya Nel Ngabo.

Abinyujije ku mbuga nkoranyambaga akoresha, umuraperi Zilha, yagaragaje ko Hip Hop iri ku rugamba n’abayirwanya.

Yagize ati “Noneho haje Isango na Muzika Awards itabarizwamo icyiciro cya Hip Hop yewe nta muraperi n’umwe uhatana muri ibyo bihembo. Abaraperi turazira iki koko? Awards zo mu Rwanda zose ni umwanda!”

Umwe mu bakurikira uyu muraperi wagerageje kugaragaza ko abonyemo Fireman, yibukijwe ko indirimbo iri guhatana muri ibi bihembo atari iye ahubwo ari iya Nel Ngabo bakoranye.

Uyu muraperi yongeye kuvuga kuri iki kibazo mu gihe hamaze igihe hari umwuka w’abaraperi bashinja itangazamakuru ryo mu Rwanda kuryamira injyana ya Hip Hop.

Kavukire Alex uzwi nka Khalex, umwe mu bakora ikiganiro Isango na Muzika gitegura ibi bihembo, yabwiye IGIHE ko bo ibyabaye nta mutima mubi babikoranye.

Ati "Uyu mwaka ntabwo twigeze tureba ku njyana. None se ko bavuga gutyo abakora Afrobeat, R&B n’izindi njyana nabo badutere amabuye ngo ntabwo twabatekerejeho? Siko biri ahubwo twatekereje abahanzi muri rusange aho kureba injyana gusa."

Urutonde rw’abahatanira ibihembo

Icyiciro cy’abahanzi bashya mu muziki (Best New Artist): Bwiza, Afrique, Jowest na Yampano.

Icyiciro cy’abahanzikazi bahize abandi (Best Female Artist): Bwiza, Marina, Alyn Sano na Ariel Wayz.

Icyicaio cy’abahanzi b’abagabo bahize abandi (Best Male Artist): Bruce Melodie, Kenny Sol, Juno Kizigenza na Christopher.

Icyiciro cy’indirimbo ihuriweho nziza (Best collabo): Nyoola ya Bruce Melodie na Eddy Kenzo, Muzadukumbura ya Nel Ngabo na Fireman, Why ya the Ben na Diamond na Quality ya Kenny Sol na Double Jay.

Icyiciro cy’abatunganya amashusho y’indirimbo bahize abandi (Best Video Director): Gad, Flery Nkotanyi, Eazy Cuts na Isimbi Nailla.

Icyiciro cy’abatunganya indirimbo mu buryo bw’amajwi (Best Audio Producers): Niz Beatz, Element, Madebeats na Santana.

Icyiciro cy’indirimbo nziza z’umwaka (Best song of the year): Inana ya Chris Eazy, Muzadukumbura ya Nel Ngabo na Fireman, Micasa ya Christopher, Kashe ya Element na Why ya The Ben na Diamond.

Icyiciro cy’abahanzi bakora umuziki wo kuramya no guhimbaza Imana bahize abandi (Best Gospel Artists): Israel Mbonyi, Dorcas na Vestine, James na Daniella hamwe na Bosco Nshuti.

Zilha arashinja ‘Isango na Muzika Awards 2022’ kugaba igitero kuri Hip Hop

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .