00:00:00 IGIHE NETWORK KN KINYARWANDA EN ENGLISH FR FRANCAIS

Sosiyete zikomeye zitunganya filimi zigiye guharagarika ibikorwa byazo mu Burusiya

Yanditswe na Mugisha Christian
Kuya 1 March 2022 saa 05:51
Yasuwe :

Sosiyete nka Disney, Warner Bros, na Sony zizwi ho gutunganya filimi zitandukanye, zatangaje ko zigiye guhagarika kwerekana sinema mu nzu zerekana filimi mu gihugu cy’u Burusiya kubera intambara bwashoje mu gihugu cya Ukraine.

Disney yatangaje ko bashingiye ku biri gukorwa n’igihugu cy’u Burusiya, bagiye guhagarika ibikowa byayo mu nzu zerekana filimi, by’umwihariko filimi ’Turning Red’, yari iteganyijwe kuzerekanwa kuwa 10 Werurwe uyu mwaka.

Iri tangazo ryatumye Disney iba sosiyete ya mbere ikomeye ya Hollywood yahagaritse ibikorwa mu Burusiya.

Ni nyuma y’uko amashyirahamwe y’imikino atandukanye ku Isi, ubucuruzi n’izindi nganda, nabyo biri kugenda bihagarika umubano wabyo n’iki gihugu.

Nyuma ho gato y’itangazo rya Disney, Warner Media nayo yatangaje ko itazerekana filimi ‘The Batman’ yari iteganyijwe kuzerekanwa kuya 3 Werurwe 2022, mu Burusiya.

Sony nayo ntiyasigaye inyuma kuko yahise itangaza ko yahagaritse filimi ‘Morbius’ mu Burusiya, yari iteganijwe kuzaherekanirwa kuya 1 Mata uyu mwaka.

Izi sosiyete zagiye zihagarika ibikorwa mu Burusiya, ariko mu bindi bihugu izi filimi zizagenda zerekanwa hakurikijwe amatariki yatangajwe mbere.

Kuri uyu wa mbere, Disney yatangaje ko izahagarika ibitaramo byose byo kwerekana filimi mu Burusiya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .