00:00:00 IGIHE NETWORK KN KINYARWANDA EN ENGLISH FR FRANCAIS

‘Meme’ yakomotse kuri album ya Drake yageze no mu Rwanda

Yanditswe na Uwiduhaye Theos
Kuya 8 September 2021 saa 11:47
Yasuwe :

Ku mbuga nkoranyambaga ni ibicika! Abantu batandukanye bakomeje gukora ‘challenge’ bakomoye kuri ‘cover’ ya album Drake aheruka gushyira hanze igatangaza benshi.

Abantu b’ingeri zitandukanye baba ibyamamare mu muziki, abanyamakuru, abakinnyi mu mikino itandukanye ku Isi n’abandi ndetse n’ibigo bitandukanye bikomeye bari kwifashisha ubu buryo bakomeza kuryoshya ibiganiro ku mbuga nkoranyambaga.

Iyi cover ni iya album y’umuhanzi Aubrey Drake Graham[Drake] nshya yise ‘Certified Lover Boy’. Yakozweho na Drake, Noah "40" Shebib, Oliver El-Khatib ndetse na Noel Cadastre.

Album ya Drake kuva yajya hanze ku wa Gatanu tariki 3 Nzeli imaze gucurangwa na miliyoni nyinshi z’abantu bakoresha cyane imbuga zitandukanye yashyizweho ndetse yamaze kwanikira ‘Donda’ ya Kanye yagiye hanze ku wa 29 Kanama 2021.

‘Cover’ y’iyi album yavugishije benshi kubera ukuntu itangaje. Ikozwe mu buryo bwa ‘emoji’ 12 ziri mu ishusho y’umugore utwite ndetse ukuriwe wenda kwibaruka.

Buri emoji muri izo zose igaragara nk’itwite kandi iri mu ibara ryayo. Benshi bagiye bifashisha emoji zo mu buryo butandukanye bakora ‘memes’ bashaka kwigana uburyo iyi ‘cover’ y’iyi album nshya ya Drake ya gatandatu ikozwemo.

Mu bayifashishije bakora ‘meme’ barimo umunyamakuru Maury Povich nawe wayifashishije ahindura ahari emoji ashyiramo amafoto ye, Meya wa Chicago Lori Elaine Lightfoot wayifashishije ari kwibaza ibijyanye n’ingengo y’imari y’uyu Mujyi, DIRECTV yayifashishije igaragaza ukuntu umugore iyo afashe telecommande bigenda, Shampiyona ya NFL muri Canada n’abandi benshi.

No mu Rwanda ni uko. Uruganda rutunganya ifu ikomoka ku myumbati rwa Kinazi (Kinazi Cassava Plant), rwinjiye mu bari gukora ‘meme’ bifashishije album ya Drake.

Ni ibintu batekereje mu buryo bwo kugendana n’ibigezweho ndetse bashaka kumenyekanisha ibicuruzwa byabo bifashishije ikoranabuhanga cyane muri iki gihe hagezweho ‘meme’ ya album ya Drake kugira bageze kure ibyo bakora.

Abantu batandukanye batangariye aho uru ruganda rwakuye igitekerezo abandi bashima uburyo rwabashije kugendana n’ibigezweho.

Uwitwa warren, yanditse ati “Ifu yanyu ni ibintu byose.”

Mugabe we ati “Ndayamanitse ku muntu wabatunganyirije iyi foto mwifashishije. Nibura mwumva neza uburyo kumenyekana wifashishije meme bituma umenyekanisha ibyo ukora neza.”

Uwitwa Wa mugee we yanditse asa nk’utebya ati “Ibi bishatse kuvuga ko iyo uriye ifu ya kinazi uhita utwita?” mugenzi ahita aza amubaza niba atajya amenya album cyangwa indirimbo zigezweho.

Uruganda rutunganya ifu ikomoka ku myumbati rwa Kinazi (Kinazi Cassava Plant) rwatunguranye rwinjira mu gukoresha 'Meme' yaturutse kuri album ya Drake
‘Meme’ yakomotse kuri album ya Drake yageze no mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .