Monaco Café yegereje abayigana ibirori bya Champions League

Mu rwego rwo kwita ku bayigana n’abakiliya bayo no kubaha serivisi zinoze, Monaco Café, yakomeje gahunda yo kwerekana imikino ya Champions League ihuza amakipe yabaye aya mbere iwayo ku mugabane w’u Burayi (UEFA Champions League) igeze ku munsi wayo wa gatanu wo mu matsinda ikomeza ku mugoroba wo kuri uyu wa Kabiri, tariki 21 Ugushyingo 2017.

Abakunzi b’umupira w’amaguru baba biteze cyane imikino ihuza amakipe yabaye aya mbere iwayo ku mugabane w’u Burayi yiganjemo akomeye usanga anafite abafana benshi ku mugabane wa Afurika bihebeye by’igihe kirekire.

Imikino ya Champions League irakomeza kuri uyu wa Kabiri no ku wa Gatatu mu matsinda yose umunani aho imyinshi iteganyijwe saa 21h45 ku isaha y’i Kigali.

Kuri uyu munsi, igitegerejwe na benshi n’umukino uhuza Real Madrid idahagaze neza muri Shampiyona ya Espagne, La Liga, aho irushwa na FC Barcelona amanota 10; irasura APOEL Nicosia yo muri Chypre kuri Neo GSP Stadium, ikibuga cyakira abafana 22 859.

Ni umukino iyi kipe ifite igikombe giheruka igomba gutsinda ngo yiyongerere amahirwe yo gukomeza muri 1/8 cy’irangiza, byanagabanyiriza igitutu Umufaransa Zinedine Zidane uyitoza.

Aya makipe yombi agiye guhura mu gihe mu mpera z’icyumweru gishize, Real Madrid yanganyije na Atletico Madrid muri shampiyona mu gihe APOEL yanyagiye 3-1 Omonia Nicosie, ikipe bituruka mu mujyi umwe.

Undi mukino w’amakipe ari mu itsinda H urahuza Borussia Dortmund yakira ku kibuga cyayo Signal Iduna Park, Tottenham Hotspur yo mu Bwongereza ari na yo iyoboye itsinda.

Iyi mikino n’indi yo mu yandi matsinda irerekanwa imbona nkubone muri Monaco Café, iherereye mu nyubako ya T2000 nshya mu igorofa ribanza.

Iyi mikino yerekanirwa kuri televiziyo zigezweho za rutura, aho abayireba banakirizwa ibyo kunywa n’ibiribwa by’amoko atandukanye bituma umuntu aticwa n’inzara cyangwa inyota.

Imikino yose iteganyijwe kuri uyu wa Kabiri:

Itsinda E

-  Spartak Moscow 1 - 1 Maribor (Warangiye)
-  21:45: Sevilla vs Liverpool

Itsinda F

-  21:45: Manchester City vs Feyenoord
-  21:45: SSC Napoli vs Shakhtar Donetsk

Itsinda G

-  Besiktas 1 - 1 FC Porto (Warangiye)
-  21:45: Monaco vs RasenBallsport Leipzig

Itsinda H

-  21:45: APOEL Nicosia vs Real Madrid
-  21:45: Borussia Dortmund vs Tottenham Hotspur

Imikino iteganyijwe ku wa Gatatu, tariki ya 22 Ugushyingo 2017:

Itsinda A

-  19:00: CSKA Moscow vs Benfica
-  21:45: Basel vs Manchester United

Itsinda B

-  21:45: Anderlecht vs Bayern Munich
-  21:45: Paris Saint Germain vs Celtic

Itsinda C

-  19:00: Qarabag FK vs Chelsea
-  21:45: Atletico Madrid vsRoma

Itsinda D

-  21:45: Juventus vs Barcelona
-  21:45: Sporting CP vs Oympiacos

Usibye imikino ya UEFA Champions League, Monaco Café izanerekana iya Europa League iteganyijwe ku wa Kane, tariki ya 23 Ugushyingo 2017.


Kwamamaza