Umunsi w’abakundana muri Kigali Marriott Hotel: Ishimane n’umukunzi!

Yanditswe na IGIHE
Kuya 8 Gashyantare 2018 saa 06:00
Yasuwe :
3 3

Umunsi w’abakundana “Saint Valentin” wizihizwa ku wa 14 Gashyantare ni igihe cyiza cyo kwishimana n’umukunzi, bikarushaho kuba byiza iyo ubonye ahantu heza mukahasokera maze ukahamubwirira rya jambo uti “Ndagukunda.”

Ushobora kuba utanafite umukunzi ariko wishimiye ubuzima kandi ufite inshuti zitandukanye maze ugakenera ahantu heza ho gusohokera mukaganira mu masaha y’umugoroba mugakomeza nijoro.

Uko waba uri kose, ufite umukunzi cyangwa utamufite, Kigali Marriott Hotel yakuzirikanye muri iyi minsi yo kwishimira urukundo n’umubano mu bantu.

Bikorere umukunzi

Sohokana n’umukunzi wawe, mutembere muri Marriott, Hoteli y’inyenyeri eshanu, ahantu huje urukundo, mwumve indirimbo z’urukundo, musangire amafunguro yo mu bihe bine bitandukanye atetse Gitaliyani yateguriwe abakundana. Inkuru mbarirano iratuba. Higerere urasanga Cucina Italian Restaurant yabateguriye ameza. Ni amadolari 100 gusa kuri ayo mafunguro, ukaba wanagura champagne nziza cyane ku madolari 200.

Ushobora kuba ukeneye gusangirira n’umukunzi hanze y’igisenge maze mukitegereza inyenyeri mu isanzure. Soko Restaurant ya Marriott yaguteguriye n’ifunguro ry’abakundana riherekejwe n’ururabo rwa “rose” rwo guha uwo wihebeye ku 25,000 Frw gusa.

Ku baryohewe n’urukundo

Niba buri munsi ari nka Saint Valentin kuri wowe n’umukunzi wawe, igihe n’iki ngo mugeze urukundo rwanyu ku yindi ntera. Muhe impano ya “Sweetheart Package” muri Kigali Marriott, ikubiyemo imodoka iza kubafata mu rugo ikanabasubizayo. Ibi bijyana no kuba mukigera muri Marriott mwakirizwa amafunguro yagenewe abakundana yateguwe na Cucina Restaurant, mukarenzaho champagne, ubundi mukajya kuruhukira mu cyumba cyiza cyabateguriwe, maze mukabyukira ku ifunguro ryiza ryo mu gitondo rikurikirwa no kugororwa ingingo mukorerwa massage mwembi muri Saray Spa ya Marriott. Ni bwo buryo bwiza bwo kumwibutsa ko umukunda. Ibi byose ni ukuva ku wa 11 kugeza 17 Gashyantare 2018, byose ku madolari 500.

Niba wowe n’umukunzi wawe mwikundira spa cyane, nimwihitiremo serivisi za spa zateguriwe abakundana. Hari “Love Ritual” imara iminota 90 mukorerwa massage umubiri wose harimo n’iyagenewe isura (mu maso). Hari na “Heart to Heart” imara iminota 90 aho mukorerwa igororangingo no kwita ku isura mukahava umubiri uruhutse kandi ucyeye. Izi serivisi za spa ziherekejwe n’icupa rya vin/wine n’umufungo w’indabo. Ni uguhera ku wa 12 kugeza 15 Gashyantare ku mafaranga ari hagati ya 82,000 na 90,000 Frw.

Ku badafite abakunzi

Saint Valentin si iy’abafite abakunzi gusa. Niba uri wenyine kandi unezerewe, fatana urunana n’inshuti zawe mwerekeze muri "Iriba Bar & Terrace", bar ya Marriott yabateguriye umuziki ucurangwa imbonankubone, ibinyobwa bisembuye n’ibidasembuye n’ibindi byinshi byiza byateganyijwe mu masaha y’ibyishimo. Ni umwanya mwiza wo gusangira ikirahuri mukishimira ubusilibateri (single-dom).

Ushaka ko bakubikira umwanya muri utu dushya twa Saint Valentin muri Kigali Marriott, wahamagara kuri nomero +250 222 111 111.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza