DND Developers igiye kubaka izindi nzu zigezweho zishobora kwishyurwa mu mezi 12

Yanditswe na IGIHE
Kuya 24 Ukuboza 2018 saa 07:30
Yasuwe :
0 0

Nyuma yo kuzuza ibyiciro bibiri by’inzu zigezweho ndetse hafi ya zose zikaba zaraguzwe, Ikigo DND Developers Ltd kigiye gutangira kubaka izindi zifite umwihariko wo kuba umuntu ashobora kugenda yishyura amafaranga make kugeza inzu ayegukanye.

DND Developers Ltd ni Sosiyete y’Ubwubatsi ikorera mu Rwanda, yashinzwe mu 2015 ifite intego yo guteza imbere igihugu, ibinyujije mu guhindura ibijyanye n’imiturire.

Iki kigo kimaze kubaka inzu nyinshi zigerekeranye (Apartments) kandi zihendutse ugereranyije n’izindi zubatse mu gace ziherereyemo ka Nyarutarama mu karere ka Gasabo.

Mu kiganiro na IGIHE, Umuyobozi Mukuru wa DND Developers Ltd, Eng. Daniel Mehari, yatangaje ko inzu 12 zifite ibyumba bibiri na bitatu baherukaga kuzuza zimaze kugurwa ku kigero cya 80%, ari nayo mpamvu umwaka utaha bazatangira kubaka ikindi cyiciro.

Ati “ Ubu turi ku musozo w’ibijyanye n’igisushanyo mbonera, imirimo yo kubaka izatangira neza muri Gashyantare 2019. Bitandukanye n’uko iza mbere byagenze, izi zo abantu bazabasha kuzishyura mu gihe cy’amezi 12.”

Izi nzu DND Developers iteganya kubaka n’izigenewe imijyi ndetse n’izindi nini (Villas), aho zizaba zirimo izifite ibyumba bitatu na bine, zikazagurishwa guhera kuri miliyoni 90 z’Amanyarwanda.

Ati “ Nyarutarama ni agace gahenze ku buryo inzu y’umuryango udashobora kuyibona munsi ya miliyoni 150Frw. Twagerageje kugabanya ikiguzi uko bishoboka, kandi inzu zacu zishushe mu buryo bwihariye. Twifuza kuzana impinduka mu birebana n’imiturire muri aka gace.”

Izi nzu zizaba zamaze kuzura bitarenze muri Gashyantare 2020 uwifuza kuzituramo akaba ashobora gutangira kwishyura zigitangira kubakwa, kandi akaba ariwe wigenera ingano y’amafaranga ushobora kwishyura buri kwezi kugeza uyegukanye.

Wifuza ibisobanuro birambuye cyangwa ushaka kwigurira imwe mu nzu DND ziri Nyarutarama ku muhanda KG314 st, wabahamagara kuri +250789664020 cyangwa ukabandikira kuri [email protected] Ushobora no gusura urubuga www.dnddevelopers.com.

DND Developers kandi iracyagurisha inzu zuzuye muri uyu mwaka
Inzu DND Developers igiye kubaka ni uku zizaba zimeze
Inzu zubatswe mu cyiciro cya kabiri cy'umushinga w'inzu zigezweho za DND Developers
Izi nzu za DND Developers zubatse i Nyarutarama ziri mu zihendutse ugereranyije n'izindi ziriyo
Izi nzu zizaba zuzuye bitarenze muri Gashyantare 2020
N'inzu zubatswe mu buryo bugezweho kandi zisanzuye
Ni inzu zizaba zihendutse ugereranyije n'agace ziherereyemo
Inzu za DND zishobora kwishyurwa mu byiciro kugeza ku mezi 12
DND Developers isanzwe izwiho kubaka inzu zigezweho kandi ku butaka buto

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza