Ibikomangoma by’Umwami Kigeli IV Rwabugili

Yanditswe na Nsanzabera Jean de Dieu
Kuya 6 Ugushyingo 2018 saa 09:19
Yasuwe :
0 0

Mu ruhererekane rw’inkuru zibara amateka y’umwami Kigeli IV Rwabugili, basingizaga Inkotanyi cyane, twabagaragarije umubare w’abagore yashatse n’ibyiciro bari barimo.

Kubera ko Rwabugili yagiraga ingoro nyinshi mu gihugu, byatumye ashaka abagore bo kuzibamo no kuzikenura, bakaba abagenga b’imitungo izirimo.

Twifashishije igitabo “Intwari z’imbanza zubatse u Rwanda rugahamya igitinyiro” cyanditswe na Nsanzabera Jean de Dieu, umushakashatsi ku Muco, amateka n’Ubuvanganzo, tugiye kurebera hamwe amazina y’ibikomangoma Rwabugili yabyaranye n’abagore be.

Ubusanzwe ibikomangoma ni abana b’umwami. Rwabugili yashatse abagore be ba mbere ari mu kigero cy’imyaka 20. Abagore yashatse bwa mbere ni batatu aribo; Nyiraburunga, Nyiramarora na Nyiramparaye, bose bari bene Nzirumbanje bakaba babyara be kuko bari abisengeneza ba nyina Nyirakigeli Murorunkwere.

Umwami w’u Rwanda Kigeli Rwabugili, yashatse abagore basaga Makumyabiri (ababashije kumenyekana) babyarana abana basaga cumi na bane (abamenyekanye). Abo twabashije gucukumbura dukurikije abagore bababyaye, ni aba bakurikira:

Rutalindwa, nyina akaba Nyiraburunga bwa Nzirumbanje, umukonokazi.

Baryinyonza, nyina akaba Nyiraburunga bwa Nzirumbanje, umukonokazi,

Karara, nyina akaba Nyiraburunga bwa Nzirumbanje, umukonokazi,

Muhigirwa nyina akaba Nyiramparaye ya Nzirumbanje, umukonokazi,

Burabyo, nyina akaba Nyiramparaye ya Nzirumbanje, umukonokazi,

Nshozamihigo, nyina akaba Nyambibi ya Rushingwankiko ,Umuhakazi,

Sharangabo, nyina akaba Nyirandabaruta ya Sendilima, Umutsobekazi,

Cyitatire, nyina ni Gatoyi, Umwegakazi,

Munana, nyina ni Kanjogera ka Rwakagara, Umwegakazi,

Musinga, nyina ni Kanjogera ka Rwakagara, Umwegakazi,

Nyindo, nyina ni Kumukera,

Kamarashavu, nyina ni Nyiramarora ya Nzirumbanje, Umukonokazi.

Berabose, nyina ni Nyiramarora ya Nzirumbanje, Umukonokazi.

Karunganwa, nyina ni Kagoyire

Abagore ba Rwabugili ariko batabyaranye nawe, barimo Kagoyire ka Ruhezamihigo umumanukakazi, Nturo, Kangeyo ka Kanyabujinja, Nyirandilikirwa ya Sendilima umutsobekazi, Kabarere ka Shumbusho, Murerwa wa Ngwije, Mukaremera Muserekande wa Nkanza, Nyiranshongore, Nyirabaziga, Nyambibi wa kabiri na Nyambibi wa gatatu mwene Ruganguka.

Abana ba Kigeli IV Rwabugili bamenyekanye ni 14

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza