Elon Musk yamaze kuvana Jeff Bezos ku ntebe y’umuherwe wa mbere ku Isi

Yanditswe na Muhonzire Sylvine
Kuya 8 Mutarama 2021 saa 09:43
Yasuwe :
0 0

Umuherwe ufite uruganda rukora imodoka rwa Tesla, Elon Musk yamaze kurenga Jeff Bezos aba umuherwe wa mbere ku Isi nyuma y’uko agaciro k’imigabane muri uru ruganda gakomeje gutumbagira.

Elon Musk aciye kuri Jeff Bezos ahanini bitewe n’uko imigabane y’ikigo cye gikora ubucuruzi bwo kuri Internet cya Amazon yataye agaciro cyane kuri uyu wa Gatatu, nyuma y’impungenge ko abo mu Ishyaka ry’Aba-Démocrates nibaramuka batsindiye imyanya myinshi muri sena hazashyirwaho amategeko agamije kugenzura cyane ibigo binini by’ikoranabuhanga.

CNN ivuga ko Tesla yahesheje Musk umwanya wa mbere nyuma y’uko ku munsi w’ejo kuwa Kane imigabane yayo yazamutseho 6%(bingana na miliyari 10$) bituma umutungo we utumbagira ugera miliyari 191$.

Imigabane ya Tesla yari yazamutse cyane kandi mu 2019 kuko agaciro kayo kageze kuri miliyari 106 $, bivuze ko muri uwo mwaka agaciro k’imigabane ye kiyongereye ku kigero cya 743 %.

Jeff Bezos wari kuri uyu mwanya wa mbere yahise afata uwa kabiri mu baherwe ku Isi n’umutungo ubarirwa muri miliyari 187$,akurikirwa na Bill Gates washinze Microsoft ufite miliyari 132$.

Elon Musk ubu niwe mukire wa mbere ku Isi na miliyari 191$

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .