Mushambokazi ugiye kurushinga na Niyonzima Olivier ‘Seif’ yakorewe ibirori bya Bridal Shower (Amafoto)

Yanditswe na Eric Tony Ukurikiyimfura
Kuya 25 Kanama 2020 saa 11:18
Yasuwe :
0 0

Mushambokazi Belyse witegura kurushinga n’umukinnyi w’ikipe y’Igihugu ‘Amavubi’ na APR FC, Niyonzima Olivier ‘Seif’, yakorewe ibirori bizwi nka “Bridal Shower” ku Cyumweru.

Bridal Shower ni umuhango ugamije kwereka umugeni uko azitwara naramuka ageze mu rugo rwe.

Niyonzima Olivier ‘Seif’ na Mushambokazi Belyse bamaze imyaka ibiri bakundana, bazasezerana tariki ya 6 Nzeri 2020.

Mbere y’uko iyi tariki igera, Mushambokazi yakorewe ibirori bya Bridal Shower, byabereye i Nyamirambo ku Cyumweru.

Ubwo yaherukaga kuganira na IGIHE, Niyonzima yavuze ko yasabye Mushambokazi kumubera umugore kuko yasanze bahuza.

Ati “Iyo ubanye n’umuntu ugenda umumenya, ukamenya imico ye. Nasanze twahuza, numva ko nta kabuza twazabana.”

Seif ukina mu kibuga hagati imbere ya ba myugariro cyangwa akaba yakwigira imbere agakina inyuma ya ba rutahizamu, ni umukinnyi wa APR FC guhera muri Nyakanga 2019.

Yakuriye mu ishuri ryigisha umupira rya Isonga, avamo muri 2015 yerekeza muri Rayon Sports yakiniye imyaka ine, agatwarana na yo ibikombe bibiri bya Shampiyona mu mwaka w’imikino wa 2016/17 na 2018/19, na kimwe cy’Amahoro mu 2016.

Ari muri Rayon Sports, yatwaye kandi ibikombe bibiri by’Agaciro Development Fund mu 2017 na 2018, bagerana muri ¼ cya CAF Confederation Cup mu 2018.

Mu mwaka umwe amaze muri APR FC, yayifashije kwegukana igikombe cy’Ubutwari 2020 na Shampiyona ya 2019/20 idatsinzwe.

Yayitsindiye ibitego bibiri mu mikino ya Shampiyona ya 2019/20, yakinwemo imikino 23 gusa, isozwa imburagihe kubera icyorezo cya Coronavirus.

Mushambokazi Belyse amaze imyaka ibiri akundana na Niyonzima Olivier 'Seif'
Mushambokazi Belyse yakorewe ibirori bya "Bridal Shower" ku Cyumweru
Bridal Shower ya Mushambokazi Belyse yabereye i Nyamirambo
Muri Werurwe uyu mwaka, nibwo Seif yasabye Mushambokazi ko yazamubera umugore
Niyonzima Olivier 'Seif' w'imyaka 27, akina mu kibuga hagati muri APR FC n'ikipe y'Igihugu 'Amavubi'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .