Niyonzima Olivier ‘Seif’ yasezeranye na Mushambokazi Belyse imbere y’Imana (Amafoto)

Yanditswe na Eric Tony Ukurikiyimfura
Kuya 6 Nzeri 2020 saa 03:26
Yasuwe :
0 0

Niyonzima Olivier ‘Seif’ ukinira Ikipe y’Igihugu ‘Amavubi’ na APR FC, yasezeranye imbere y’Imana n’umukunzi we, Mushambokazi Belyse, kuri iki Cyumweru tariki ya 6 Nzeri 2020.

Niyonzima Olivier ‘Seif’ na Mushambokazi Belyse basezeranyijwe na Niyonzima Déo, umushumba w’itorero rya Living Word riherereye Kimironko mu Mujyi wa Kigali.

Pasiteri Niyonzima Déo yasabye aba bombi kuzabana akaramata bakabyara bakuzuza isi kuko ari ryo sezerano Imana yahaye abakurambere ba mwene muntu, Adamu na Eva.

Uyu muhango ukaba wakozwe hakurikijwe amabwiriza ya Minisiteri y’ubuzima yo kwirinda ikwirakwira ry’icyorezo cya Coronavirus, arimo kuba wiyabiriwe n’abantu batarenze 30.
.
Niyonzima Olivier ‘Seif’ na Mushambokazi Belyse bamaze imyaka ibiri bakundana, basezeraniye imbere y’Imana nyuma y’iminsi 10 basezeranye imbere y’amategeko mu Murenge wa Remera.

Seif ukina mu kibuga hagati imbere ya ba myugariro cyangwa akaba yakwigira imbere agakina inyuma ya ba rutahizamu, ni umukinnyi wa APR FC guhera muri Nyakanga 2019.

Yakuriye mu ishuri ryigisha umupira rya Isonga, avamo mu 2015 yerekeza muri Rayon Sports yakiniye imyaka ine, agatwarana na yo ibikombe bibiri bya Shampiyona mu mwaka w’imikino wa 2016/17 na 2018/19, na kimwe cy’Amahoro mu 2016.

Ari muri Rayon Sports, yatwaye kandi ibikombe bibiri by’Agaciro Development Fund mu 2017 na 2018, bagerana muri ¼ cya CAF Confederation Cup mu 2018.

Mu mwaka umwe amaze muri APR FC, yayifashije kwegukana igikombe cy’Ubutwari 2020 na Shampiyona ya 2019/20 idatsinzwe.

Yayitsindiye ibitego bibiri mu mikino ya Shampiyona ya 2019/20, yakinwemo imikino 23 gusa, isozwa imburagihe kubera icyorezo cya Coronavirus.

Niyonzima Olivier ‘Seif’ yasezeranye na Mushambokazi Belyse imbere y’Imana kuri iki Cyumweru
Umushumba w’itorero rya Living Word yasabye Seif na Mushambokazi Belyse kuzabana akaramata
Niyonzima Olivier 'Seif' yasezeranye ko azahora akunda Mushambokazi
Mushambokazi Belyse yahoberanye Seif ibyishimo nyuma y'uko bombi bemerewe kubana nk'umugabo n'umugore

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .