Isano Umujyi wa Boston ufitanye n’u Rwanda

Yanditswe na

Meilleur Murindabigwi

Kuya 21 Nzeri 2012 saa 06:45
Yasuwe :
0 0

Umujyi wa Boston uherereye mu gice cy’u Burasirazuba bwa Leta Zunze Ubumwe z’Amerika muri uyu mwaka ugiye kwakira igikorwa cya Rwanda Day gihuza Abanyarwanda baba baturutse imihanda yose barimo abaturage ndetse n’abayobozi mu nzego zitandukanye, kikanitabirwa n’Umukuru w’Igihugu Paul Kagame; hari byinshi uyu mujyi uhuriyeho n’u Rwanda.
Nganji Jean ni umunyarwanda utuye Boston, ndetse wanagize uruhare mu gutegura iki gikorwa cya Rwanda Day. Tuganira yadutangarije isano uyu Mujyi ufitanye n’u (...)

Umujyi wa Boston uherereye mu gice cy’u Burasirazuba bwa Leta Zunze Ubumwe z’Amerika muri uyu mwaka ugiye kwakira igikorwa cya Rwanda Day gihuza Abanyarwanda baba baturutse imihanda yose barimo abaturage ndetse n’abayobozi mu nzego zitandukanye, kikanitabirwa n’Umukuru w’Igihugu Paul Kagame; hari byinshi uyu mujyi uhuriyeho n’u Rwanda.

Nganji Jean ni umunyarwanda utuye Boston, ndetse wanagize uruhare mu gutegura iki gikorwa cya Rwanda Day. Tuganira yadutangarije isano uyu Mujyi ufitanye n’u Rwanda atubwira ko utuwe n’Abanyarwanda barenga 500, bahakora imirimo itandukanye, abandi bakaba bahiga, dore ko higanje na za kaminuza nyinshi n’amashuri makuru bikomeye ku rwego rw’Isi nk’iya Harvard, MIT n’izindi.

Nganji yakomeje adutangariza kandi ko Bostonariho hakomoka Abanyamerika b’inshuti z’u Rwanda bashinze ishuri ry’abakobwa ry’i Maranyundo, riherereye mu Karere ka Bugesera mu Ntara y’u Burasirazuba bw’u Rwanda.

Uyu mujyi kandi ni wo wa gatatu wo muri Leta Zunze Ubumwe z’Amerika wafunguwemo Bourbon Coffee, urunywero rw’ikawa y’umwimerere ikomoka mu Rwanda, nyuma y’izafunguwe Washington DC na New York.

Ubusanzwe Bourbon Coffee icururiza ikawa mu Mujyi wa Kigali kuri UTC, KCT, ku kibuga cy’indege cya Kanombe ndetse n’i Nyarutarama kuri MTN Center, none kuri ubu yatangiye gufungura imiryango mishya hirya no hino ku isi aho iri kugaba amashami.

Kuri ubu Bourbon Coffee ya Boston twatangarijwe n’umwe mu bakozi bayikorera witwa Umugwaneza Jeannette, ko Abanyamerika bakomeje kuyitabira ku bwinshi ku buryo irimo guhangana bikomeye n’ahandi bacuruza ikawa bakanatanga serivisi zisa n’izo itanga.

Bourbon Coffee ya Boston iherereye mu gice bita Cambridge ikomeje kwishimirwa n'Abanyanerika batari bacye kubera umwihariko w'ikawa y'umwimerere yihariye
Bamwe mu Banyarwanda b'i Boston bari kumwe n'inshuti y'u Rwanda biyakirira muri Bourbon Coffee y'i Boston itatse nk'izo mu Rwanda

Ikindi Boston ifitanyeho isano n’u Rwanda ni ukuba uyu mujyi unakomokamo bamwe mu bagize Inama Ngishwanama y’Umukuru w’Igihugu Paul Kagame (President’s Advisory Council).

Mu mwaka wa 2002 nibwo Perezida Paul Kagame yabonanye bwa mbere n’Abanyarwanda batuye muri Amerika ya ruguru barimo abo muri Leta Zunze Ubumwe z’Amerika ndetse n’abo muri Canada, icyo gihe baraganiriye bishyira cyera.

Kubwa Nganji, kuba Rwanda Day igiye kubera i Boston muri uyu mwaka bihuriranye n’isabukuru y’imyaka 10 ishize Abanyarwanda bo muri Amerika bakiriye bwa mbere Perezida Paul Kagame, ubwo yabagendereraga bakaganira bigashyira cyera.

Foto: Charles Cherney,
Inkuru: Murindabigwi Meilleur /Boston, USA


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .