Abaganga batangaje ko Trump atagifite ibyago bya kwanduza abandi COVID-19

Yanditswe na Umwali Zhuri
Kuya 11 Ukwakira 2020 saa 06:30
Yasuwe :
0 0

Abaganga bashinzwe ubuzima bw’Umukuru w’Igihugu muri Leta Zunze Ubumwe za Amerika, batangaje ko Trump atagifite ibyago byo kuba yakwanduza undi muntu Coronavirus bityo ko atari ngombwa ko aguma mu kato muri White House.

Kuri uyu wa Gatandatu, Trump yagejeje ijambo ku bamushyigikiye bari bateraniye kuri White House. Nibwo bwa mbere yari agaragaye mu ruhame kuva yava mu bitaro ubwo yari arwaye COVID-19.

Hari hashize iminsi havugwa ko ashobora kuba yakwanduza abantu mu gihe yaba agiye mu ruhame, gusa itangazo ryashyizwe ahagaragara n’abashinzwe ubuzima bwe, ryavuze ko adashobora kuba yakwanduza undi.

Ntirisobanura neza niba mu gupima uyu mukuru w’igihugu barasanze virus yarashize mu maraso. Trump yabwiye abamushyigikiye ko ameze neza ndetse ko ubu atagifata imiti ya COVID-19.

Uwo bazahangana mu matora ataha, Joe Biden, amaze iminsi ari mu bikorwa byo kwiyamamaza muri leta ya Pennsylvania. Yavuze ko yifatanyije n’abantu babuze ababo kubera COVID-19. Muri iki gihugu, abarenga ibihumbi 210 bamaze guhitanwa na COVID-19.

Trump ubwo yakuragamo agapfukamunwa kugira ngo ageze ijambo ku bamushyigikiye bari bakoraniye kuri White House

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .