Abaganga bemeje ko Trump nta kimenyetso asigaranye cya COVID-19

Yanditswe na Umwali Zhuri
Kuya 8 Ukwakira 2020 saa 10:56
Yasuwe :
0 0

Abaganga batangaje ko hashize amasaha 24 Perezida wa Leta Zunze Ubumwe za Amerika, Donald Trump, nta kimenyetso na kimwe cya Coronavirus agaragaza, nyuma y’aho mu mpera z’icyumweru gishize yajyanywe mu bitaro amaze kumenya ko yanduye iki cyorezo.

Umuganga ukurikirana ubuzima bw’Umukuru w’Igihugu, Sean Conley, yatangaje ko hashize amasaha 24 Trump nta kimenyetso na kimwe cya COVID-19 agaragaza, aho ubuzima bwe bumeze neza kurusha uko yari ameze mu mpera z’icyumweru.

Kuri uyu wa Gatatu yatangaje ko hashize iminsi ine Trump nta muriro afite ndetse ko atigeze na rimwe akenera kuba yakongererwa umwuka.

Trump yashyizwe mu bitaro ku wa Gatanu w’icyumweru gishize, ariko ku wa Mbere yahise asubira muri White House.

Gusa aho ari mu biro bye, yasabwe kwishyira mu kato ndetse ntiyemerewe kugira ahantu na hamwe ajya. Ni mu gihe habura ibyumweru bitageze kuri bine ngo ahatanire umwanya w’Umukuru w’Igihugu muri manda ye ya kabiri na Joe Biden.

Trump ntakigaragaza ibimenyetso bya COVID-19 nyuma y'aho ayanduye ndetse akajyanwa mu bitaro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .