Perezida wa Portugal yanduye Covid-19

Yanditswe na IGIHE
Kuya 12 Mutarama 2021 saa 10:48
Yasuwe :
0 0

Inzego z’ubuzima muri Portugal zatangaje ko Perezida w’iki gihugu, Marcelo Rebelo de Sousa, yanduye icyorezo cya Covid-19.

Abaganga bemeje ko uyu mugabo w’imyaka 72 yanduye Covid-19 nyuma y’iminsi itandatu yari amaze ari mu kato kubera umwe mu bo bakorana wari wagaragaweho n’iki cyorezo.

Marcelo Rebelo de Sousa ngo apimwa inshuro ya mbere byagaragaye ko atanduye, gusa ibipimo bya kabiri byafashwe byemeje ko uyu mugabo yanduye ndetse ahita atangaza ko arakomeza gukorera akazi ke mu rugo.

Perezida Marcelo Rebelo de Sousa yanduye Covid-19 mu gihe iki gihugu cyitegura amatora y’Umukuru w’Igihugu azaba ku wa 24 Mutarama.

Portugal ni kimwe mu bihugu byugarijwe cyane na Covid-19 dore ko umubare w’abamaze kwitaba Imana ubarirwa mu 8000 barimo 122 bapfuye mu masaha 24 ashize.

Perezida wa Portugal, Marcelo Rebelo de Sousa yanduye Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .