Trump agiye kongera kugaragara mu ruhame nyuma y’iminsi arwaye COVID-19

Yanditswe na Umwali Zhuri
Kuya 9 Ukwakira 2020 saa 07:40
Yasuwe :
0 0

Perezida Donald Trump agiye kongera kugaragara mu ruhame nyuma y’uko amaze iminsi arwaye COVID-19, ubu abaganga bavuze ko ari koroherwa ku buryo mu mpera z’iki cyumweru ashobora kuva mu kato akajya mu bandi.

Ubu Trump yishyize mu kato mu Biro bye, nyuma y’aho ku wa Mbere w’iki Cyumweru avuye mu bitaro aho yari yajyanywe igitaraganya bikimara kumenyekana ko yanduye Coronavirus.

Dr Sean Conley ushinzwe ubuzima bw’umukuru w’igihugu, yavuze ko ameze neza cyane. Kuri uyu wa Gatanu, Trump arongera gupimwa kugira ngo harebwe niba COVID-19 yarashize mu mubiri we.

Mu gihe byagaragara ko nta bwandu agifite, byitezwe ko mu mpera z’icyumweru azajya mu bikorwa bye byo kwiyamamaza.

Kuri uyu wa Kane yari yamaganye gahunda yo gukora ibiganiro mpaka bimuhanganishije na Joe Biden hifashishijwe ikoranabuhanga, avuga ko adashobora guta umwanya ajya impaka n’umuntu muri ubwo buryo.

Trump ashobora kongera kugaragara mu ruhame mu mpera z'iki cyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .