Trump yizeye ko muri Mata 2021 buri munyamerika azaba ashobora gukingirwa Coronavirus

Yanditswe na Ishimwe Deborah
Kuya 19 Nzeri 2020 saa 10:20
Yasuwe :
0 0

Perezida wa Leta zunze Ubumwe z’Amerika Donald Trump yatangaje ko bitarenze Mata umwaka utaha hazaba hari inkingo zihagije za Coronavirus ku buryo buri munyamerika wese azaba ashobora kuruhabwa.

Mu kiganiro yagiranye n’itangazamakuru kuri uyu wa Gatanu, Perezida Trump yavuze ko hari inkingo eshatu ziri mu kiciro cya nyuma cy’igeragezwa, ku buryo iza mbere zizemezwa mbere y’uko uyu mwaka urangira. Yavuze ko bigenze neza, umwaka wajya kurangira hamaze kuboneka miliyoni ijana z’inkingo.

Yavuze ko inkingo zihagije nizimara kuboneka hazakorwa igishoboka cyose zikagera ku baturage byihuse.

Yagize ati “Miliyoni 100 zizajya ziboneka buri kwezi, kandi turateganya ko buri munyamerika azaba yamaze kugerwaho n’urukingo bitarenze Mata. Ntekereza ko gukwirakwiza urukingo, bizakorwa mu buryo bwihuse kuruta uko abantu benshi babitekereza."

Amerika ituwe n’abaturage bagera kuri miliyoni 328. Trump yatangaje inshuro nyinshi ko ateganya urukingo rwizewe mu byumweru biri imbere, ndetse ko bishoboka ko rwaboneka mbere y’amatora ya Perezida yo ku ya 3 Ugushyingo 2020.

Kuboneka k’urukingo bifatwa nk’imwe mu nzira za mbere zo guhagarika ikwirakwizwa rya coronavirus, yahitanye abantu bagera ku 950.000 ku isi yose, harimo igipimo cyo hejuru ya 198.000 muri Amerika.

Trump yatangaje ko bizagera muri Mata 2020 hari inkingo zihagije zakingira Coronavirus abanyamerika bose

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .