USA:Sosiyete z’indege zahagaritse abakozi ibihumbi 22 kubera ihungabana ry’ubukungu

Yanditswe na Dufitumukiza Salathiel
Kuya 3 Ukwakira 2020 saa 03:01
Yasuwe :
0 0

Sosiyete ebyiri zo muri Leta Zunze Ubumwe za Amerika zikora ubwikorezi bwo mu kirere zahagaritse by’agateganyo abakozi bazo babarirwa mu bihumbi 22, kubera ihagarikwa ry’inkunga y’umushahara bahabwaga na Guverinoma, mu gufasha izo sosiyete kuzahura ubukungu bwazo bwahungabanyijwe n’icyorezo cya coronavirus.

American Airlines yahagaritse abakozi ibihumbi 19, naho United Airlines ihagarika ibihumbi 13 nyuma y’uko igihe Guverinoma yari yariyemeje kwishyura abo bakozi cyarangiye ku wa 1 Ukwakira 2020.

Mu ntangiriro z’uyu mwaka ubwo icyorezo cya Coronavirus cyakwiraga mu Isi bigatuma n’ingendo z’indege zihagarikwa mu bihugu byinshi, Leta zunze Ubumwe za Amerika zasabye izo sosiyete kutirukana abakozi, ndetse zisezerana kubaha amafaranga y’ingoboka kugeza ku ya 1 Ukwakira.

Kuwa Gatatu w’iki cyumweru nibwo umunsi watanzwe wari wageze, ndetse Guverinoma ntiyagira icyo itangaza ku bijyanye no gukomeza iyo gahunda. Ibi byatumye izo sosiyete zitangira koherereza ubutumwa abakozi bazo bubahagarika by’agateganyo; banamenyeshwa ko haramutse habonetse ishoramari ryisumbuye bazahita basubizwa mu nshingano zabo.

Mu ibaruwa yandikiye abakozi, umunyamabanga mukuru wa American Airlines, Doug Parker yavuze ati ‘Ndisegura cyane uku ni ko bigenze. Ibi si byo mukwiye.”

Ni mu gihe ku wa Gatatu United Airlines yari yandikiye abakozi bayo ibihanganisha ndetse ikabasezeranya ko “gahunda yo guhabwa inkunga y’umushahara w’abakozi nikomeza bazagarurwa mu kazi bidatinze.”

Yaranditse iti “Ku bantu 13,000 mu bagize umuryango wacu, mwarakoze cyane ku bwitange kandi dutegereje kongera kubaha ikaze.”

Iri hagarikwa ntiryavuzweho rumwe muri Leta, aho bamwe basaba ko Leta yongeramo andi mafaranga kugira ngo abo bakozi bakomeza akazi, mu gihe hari abandi batabishaka.

Abakozi bagera ku bihumbi 22 bakoraga muri sosiyete ebyiri z'indege muri Amerika basezerewe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .