Yoshihide Suga yatorewe kuba Minisitiri w’Intebe w’u Buyapani

Yanditswe na IGIHE
Kuya 16 Nzeri 2020 saa 07:46
Yasuwe :
0 0

Yoshihide Suga kuri uyu wa Gatatu yatorewe kuba Minisitiri w’Intebe w’u Buyapani, asimbuye Shinzo Abe uheruka kwegura ku mpamvu z’uburwayi, aho afite inshingano zikomeye zo kuzahura ubukungu muri ibi bihe by’icyorezo cya Covid-19.

Suga wari umunyamabanga wa Guverinoma (Chief Cabinet Secretary) ya Shinzo Abe, yemejwe n’Inteko Ishinga amategeko ishyaka rye Liberal Democratic Party ryamutanzeho umukandida rifitemo ubwiganze.

Uyu mugabo w’imyaka 71 yijeje gukomeza gahunda Abe yari yaratangiye, nubwo hari n’ingorane nyinshi zimutegereje muri iki gihugu gifite hafi kimwe cya gatatu cy’abaturage bafite hejuru y’imyaka 65.

Abe ufatwa nk’uwagize uruhare runini mu gutuma Suga atsinda, yavuze ko yiteguye gushyigikira guverinoma nshya nk’umwe mu bagize Inteko Ishinga amategeko.

Abe kandi yatangaje ko imiti arimo gufata kubera uburwayi afite irimo gutanga umusaruro, ku buryo agenda yoroherwa.

Kuri Guveribnoma ya Abe, nibwo byemejwe ko ingabo z’iki gihugu zishobora kurwana intambara hanze y’igihugu, icyemezo cyafashwe nyuma y’igihe kinini intambara ya Kabiri y’Isi irangiye, inemeza ko u Buyapani bwatabara igihugu cy’inshuti igihe cyaba cyugarijwe.

Hari amakuru ko bishoboka cyane ko abazaba bagize guverinoma ya Suga ari abantu basanzwe muri guverinoma ya Abe, irimo abagore babiri gusa.

Yoshihide Suga yatorewe kuba Minisitiri w’Intebe w’u Buyapani

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .