Ethiopia yabujije indege guca hejuru y’urugomero iri kubaka kuri Nil

Yanditswe na Iradukunda Serge
Kuya 5 Ukwakira 2020 saa 09:37
Yasuwe :
0 0

Leta ya Ethiopia yatangaje ko nta ndege yemerewe guca hejuru y’agace iri kubakamo urugomero rw’amashanyarazi ruzwi nka ‘Grand Ethiopian Renaissance Dam’ kubera impamvu z’umutekano.

Umuyobozi w’Ikigo cy’indege za gisivile muri iki gihugu, Col Wesenyeleh Hunegnaw, yabwiye itangazamakuru ko bafashe uyu mwanzuro nyuma yo kubiganiraho n’inzego z’umutekano

Uyu muyobozi yavuze ko nta ndege yemerewe guca muri aka gace ka Benishangul-Gumuz yaba izitwara abantu n’imizigo, gusa yongeraho ko hari igihe byashoboka biramutse bisabiwe uruhushya.

Leta ya Ethiopia itangaje ibi mu gihe hari hashize icyumweru kimwe, Umugaba Mukuru w’Ingabo zirwanira mu kirere w’iki gihugu, Maj Gen Yilma Merdasa atangaje ko igisirikare cyamaze kongera imbaraga mu bijyanye n’indege z’intambara ku buryo gifite ubushobozi bwo gukumira uwo ari we wese wagaba igitero kuri uru rugomero.

Uru rugomero rwakunze gukurura amakimbirane hagati ya Ethiopia, Misiri na Sudani biteganyijwe ko ruzuzura mu gihe cya vuba ndetse akazaba arirwo runini ku mugabane wa Afurika.

Ethiopia yabujije indege guca hejuru y'uru rugomero

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .