Ghana: Umudepite yarashwe arapfa

Yanditswe na Bukuru JC
Kuya 9 Ukwakira 2020 saa 01:01
Yasuwe :
0 0

Umwe mu bagize Inteko Ishinga Amategeko ya Ghana witwa Ekow Quansah Hayford yarashwe n’abagizi ba nabi ubwo yari aravuye mu bikorwa byo kwiyamamaza ahita yitaba Imana.

Mu rukerera rwo kuri uyu wa Gatanu nibwo abagabo batandatu bitwaje intwaro barashe Depite Ekow Quansah Hayford.

Umwe mu batangabuhamya bari aho byabereye yabwiye BBC ko babanje kumuhagarika maze na we arabibwira bahita bamurasa inshuro ebyiri.

Yakomeje avuga ko aba bagizi ba nabi barashe Hayford, bamubwira ko ariwe ntandaro y’ibibazo Ghana ifite.

Uretse uyu mudepite ngo n’umushoferi we yarashwe gusa we abasha kurokoka, mu gihe abandi batatu bari muri iyi modoka bo batigeze bakorwaho.

Uyu mudepite yarashwe mu gihe yari umwe mu bazongera guhatanira umwanya mu Nteko Ishinga Amategeko y’iki gihugu mu matora azaba ku wa 7 Ukuboza 2020.

Ekow Quansah Hayford yarashwe nyuma y'igihe gito avuye mu bikorwa byo kwiyamamaza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .