Muri Tunisia hagaragaye ubwoko bushya bwa Coronavirus

Yanditswe na IGIHE
Kuya 21 Gashyantare 2021 saa 09:22
Yasuwe :
0 0

Inzego z’ubuzima muri Tunisia zatangaje ko ku wa Gatandatu hagaragaye abantu babiri banduye ubwoko bushya bwa Coronavirus.

Minisitiri w’Ubuzima muri iki gihugu, Faycel Ben Salah, yavuze ko aba bantu babiri babonetse mu Murwa Mukuru Tunis, yemeza ko ibizamini byo muri laboratwari bitigeze bigaragaza ko ishobora kuba yandura vuba kurusha iyari isanzwe.

Ubwoko bushya bwa Coronavirus bwagaragaye muri Tunisia ni kimwe n’ubwagaragaye mu Bwongereza mu mpera z’umwaka ushize.

Kugeza ubu hari kugenda hagaragara ubwoko bwa Coronavirus butandukanye buhangayikishije abashakashatsi harimo ubwiswe ubwa Afurika y’Epfo, ubwo mu Bwongereza n’ubwo muri Brésil.

Ubu bwo muri Afurika y’Epfo burushijeho gutera impungenge cyane ko mu bushakashatsi bwakozwe muri iki gihugu byagaragaye ko hari inkingo zitayikangara, ibintu byatumye Afurika y’Epfo ihagarika gukoresha urwa AstraZeneca, ikayoboka urwa Johnson&Johnson.

Tunisia ni kimwe mu bihugu bya Afurika byugarijwe cyane na Covid-19, aho kugeza ubu abamaze kuyandura barenga ibihumbi 200, mu gihe abo imaze guhitana na bo basaga 7000.

Inzego z'ubuzima muri Tunisia zatangaje ko i Tunis hagaragaye abantu babiri banduye ubwoko bushya bwa Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .