Sénégal: Abasirikare barenga 100 banduye Coronavirus

Yanditswe na Ndahayo Emmanuel
Kuya 11 Nzeri 2020 saa 06:37
Yasuwe :
0 0

Abasirikare barenga 100 ba Sénégal baturutse mu butumwa bw’amahoro bari bamazemo imyaka irenga ibiri muri Gambia, basanzwemo Coronavirus ubwo bari bagarutse mu gihugu cyabo.

Bivugwa ko aba basirikare uko 100 bari mu itsinda ry’abarenga 600 bari baroherejwe muri Gambia mu rwego rwo gushyira mu bikorwa icyemezo cy’Urukiko rw’Ikirenga cyemezaga ko Perezida Adama Barrow ari we wari watsinze amatora yari ahanganyemo na Yahya Jammeh, wavuze ko yibwe kandi yari yaramaze kwemera ibyayavuyemo.

Uburyo aba basirikare banduye iki cyorezo cya COVID-19 giterwa n’agakoko gashya ka Coronavirus ntibwatangajwe.

Sénégal imaze kugira abantu 14 193 banduye Coronavirus, abagera ku 293 bamaze kwitaba Imana.

Gambia yo ifite abarwayi 3293 barimo 99 bamaze kwitaba Imana.

Ingabo za Sénégal zinjiye muri Gambia mu 2017, zigiye gufasha Perezida Adama Barrow wari umaze gutorerwa kuyobora icyo gihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .