Uyu ni wo mubare munini wa mbere ubonetse w’abiyamamariza kuyobora iki gihugu cyashegeshwe n’intambara.

Aya matora yagombaga kuba mu 2020 ariko aza kugenda asubikwa mu bihe bitandukanye kubera amakimbirane ashingiye kuri politiki.

Aba bakandida barangajwe imbere na Perezida ucyuye igihe Mohamed Abdullahi Mohamed uzwi nka Farmajo wahisemo kongera kwiyamamaza nyuma y’aho manda ye imaze umwaka urenga yararangiye.

Farmajo aramutse atsinze amatora yaba abaye Perezida wa mbere wongeye gutorerwa indi manda mu mateka y’iki gihugu.

Umukuru w’Igihugu muri Somalia ashyirwaho biciye mu matora akorwa n’abagize Inteko Ishinga Amategeko.

Amatora ya Perezida wa Somalia azaba kuri iki Cyumweru