Tchad: Yakatiwe gufungwa imyaka itatu azira kuvuga ko Perezida arwaye

Yanditswe na Bukuru JC
Kuya 21 Gashyantare 2021 saa 08:09
Yasuwe :
0 0

Urukiko rwo muri Tchad rwakatiye Baradine Berdei Targuio gufungwa imyaka itatu kubera kwandika ku mbuga nkoranyambaga avuga ko Perezida w’iki gihugu arwaye bikomeye kandi akaba ari kuvurirwa mu Bufaransa.

Baradine Berdei Targuio usanzwe ari Umuyobozi wa Human Rights muri Tchad yatawe muri yombi muri Mutarama 2020, nyuma y’uko yari amaze gushyira kuri Facebook Ubutumwa buvuga ko Perezida Idriss Déby arwaye.

Nyuma y’igihe ari imbere y’ubutabera, Urukiko Mpanabyaha rwo muri N’Djamena rwamuhamije ibyaha byo gukwirakwiza ibihuha no guhonyora Itegeko Inshinga rutegeka ko afungwa imyaka itatu.

Ni umwanzuro utarakiriwe neza n‘abatavuga rumwe n’ubutegetsi bwa Déby ngo kuko basanga ushingiye kuri politiki aho kuba uguhonyora amategeko, basaba ko Baradine Berdei Targuio arekurwa.

Mu myaka 30 Perezida Déby amaze ku butegetsi yagiye ashinjwa kuyoboza igitugu, icyenewabo ndetse no kutishimira abamunenga, ashinjwa kandi kuba yarananiwe kurandura ubukene muri iki gihugu kuko abaturage bagera kuri miliyoni 13 muri Tchad babaho mu bukene bukabije.

Baradine Berdei Targuio yakatiwe gufungwa imyaka itatu kubera kuvuga ko Perezida wa Tchad arwaye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .