Judi Rever yokejwe igitutu ava mu gikorwa gishimirwamo abanyamakuru b’abanyamwuga mu Bufaransa

Yanditswe na Bukuru JC
Kuya 4 Ukwakira 2020 saa 01:26
Yasuwe :
0 0

Judi Rever uri mu banyamahanga bazwiho guhakana no gupfobya Jenoside yakorewe Abatutsi mu 1994 mu Rwanda, yikuye mu gikorwa gitegurwa mu gushimira abanyamakuru bagize uruhare mu kwandika inyandiko no gutangaza inkuru mu bihugu biri mu ntambara.

Ibi bihembo bizwi nka Prix Bayeux-Calvados-Normandie biteganyijwe kuba ku wa 5-11 Ugushyingo 2020 ku nshuro yabyo ya 28.

Umunya-Canada Judi Rever abinyujije ku rukuta rwe rwa Twitter yatangaje ko atazitabira iki gikorwa ngarukamwaka gitangirwamo ishimwe ku banyamakuru baharaniye gutara neza inkuru z’umwuga.

Mu butumwa bwe yagize ati “Ndemeza ko kubera igitutu cyavuye hanze, ntakiri umutumirwa muri Bayeux ndetse abategura Prix Bayeux ntibashyigikira ubwisanzure bw’itangazamakuru.’’

Aya magambo yayanditse asubiza Umunyamategeko Gisagara Richard ubarizwa mu Bufaransa, washimye icyemezo cyafashwe n’Umujyi wa Bayeux cyo kwerekana ko abafite umugambi wo gupfobya no guhakana Jenoside yakorewe Abatutsi nta ntebe bakwiye guhabwa.

Yakomeje ati “Nimureke tubashyigikire. Tubabwire ko turi inyuma y’umwanzuro wo kwamagana Judi Rever. Abafana be bataturusha ubwinshi.’’

Abatanze ibitekerezo bagaragaje ko Judi Rever atujuje ibisabwa byo kwinjira muri abo banyamakuru b’abanyamwuga.

Igikorwa cy’ibihembo yagombaga kwitabira cyatangiye gutegurwa n’Umujyi wa Bayeux kuva mu 1994, ku bufatanye n’Inama Rusange ya Calvados ndetse n’agace Normandie1.

Judi Rever yamenyekanye cyane kubera ibitekerezo n’inyandiko ze zisebya ubuyobozi bw’u Rwanda ndetse agahakana na Jenoside yakorewe Abatutsi, yahitanye ubuzima bw’inzirakarengane zisaga miliyoni imwe mu mezi atatu gusa.

Igitabo cyanditswe n’uyu mugore ukomoka muri Canada, ‘In Praise of blood, the crimes of the Rwandan Patriotic Front’, cyamaganiwe kure n’abahanga mu mateka ya Jenoside ndetse n’inzu isohora ibitabo yari yahawe akazi ko kugisemura mu Gifaransa yanga kubikora.

Igikorwa cyo guhindura mu zindi ndimi ‘In Praise of Blood’ cyamaganwe cyane n’imiryango iharanira inyungu z’abacitse ku icumu, ndetse muri Nzeri 2018 ‘Ibuka-Hollande’, nayo yamaganye Amsterdam University Press yashakaga kugihindura mu Giholandi.

Umunya-Canada Judi Rever yokejwe igitutu bituma yikura mu gikorwa gishimirwamo abanyamakuru batara inkuru mu bihe by'intambara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .