Karongi: Umugore uheruka kubyara uruhinja akarwica yatawe muri yombi

Yanditswe na Mukwaya Olivier
Kuya 18 Nzeri 2020 saa 01:02
Yasuwe :
0 0

Umukobwa w’imyaka 23 yatawe muri yombi akekwaho kubyara uruhinja, nyuma y’iminsi itatu bakarusanga inyuma y’amashyiga rwarapfuye.

Ibi bikaba byabereye mu karere ka Karongi, Umurenge wa Rwankuba, akagali ka Bigugu mu mudugudu wa Ruhuha.

Kuri uyu wa kane tariki 17 Nzeri 2020, nibwo uyu mukobwa w’imyaka 23 ukekwaho kubyara uruhinja akarwica yatawe muri yombi n’Urwego rw’Igihugu rw’Ubugenzacyaha RIB.

Nsanzabaganwa Vedaste, Umunyamabanga nshingwabikorwa w’umurenge wa Rwankuba yemeje aya makuru avuga ko uyu mukobwa yamaze gufatwa.

Ati “Birakekwako ku cyumweru gishize yaba yarabyaye uruhinja ntabigaragaze, kuwa gatatu nibwo amakuru yamenyekanye, inzego z’ibanze zigiyeyo zisanga uruhinja rwamaze kwitaba Imana’’.

Yakomeje asaba abaturage kurushaho gukumira ibyaha nk’ibi by’indengakamere, bagatangira amakuru ku gihe, ndetse asaba abaturage kurushaho kuba baganira mu muryango kuko niyo yaba ari inda yasamye ku buryo atifuza yaba yaraganirijwe.

Uwabikoze kuri ubu afungiye kuri Sitasiyo ya RIB Bwishyura.

Mu gitabo cy’amategeko ahana ibyaha mu Rwanda harimo ko uwihekuye uwo yabyaye cyangwa uwo abereye umubyeyi ahanishwa igifungo cya burundu iyo abihamijwe n’urukiko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .