Ascenseur ndende ku Isi yatangiye gutwara ba mukerarugendo mu Bushinwa (Amafoto)

Yanditswe na IGIHE
Kuya 20 Ugushyingo 2020 saa 08:28
Yasuwe :
0 0

Ba mukerarugendo baturutse mu bice bitandukanye bari kuryoherwa no gukoresha ascenseur ndende ku Isi mu kuzamuka umusozi uri mu Ishyamba rya Zhangjiajie mu Bushinwa.

Iyi ascenseur ni iya mbere ndende ku Isi aho ireshya na metero 326, ubariye aho umusozi yubatsweho uhera kugeza mu bushorishori bwawo.

Uyu musozi muremure uteye mu buryo bumeze nk’inkingi ihagaze mu ishyamba aho utangirira, umwihariko wawo ni uko imiterere yawo ari yo yagendeweho mu gutegura uko ahantu hazakinirwa filime ya Avatar [James Cameron] hazaba hasa.

Iyi ascenseur ni yo ndende kandi mu zubatse hanze ku Isi kuko aho iherereye hatari inyubako kuko isa n’iyometse ku musozi. Yatangiye kubakwa mu 1999, yuzuzwa nyuma y’imyaka itatu.

Ifite ahantu hatatu abantu bazamukira, aho kuva hasi ugera hejuru bisaba amasegonda 88 muri ascenseur.

Aha hantu hitezweho gukomeza gukurura ba mukerarugendo bagana u Bushinwa nyuma yuko iki gihugu cyari cyashyizeho ingamba zihariye zikumira ingendo zitandukanye mu ntangiriro z’umwaka mu kwirinda Coronavirus.

Qiao Ke w’imyaka 45 watemberanye n’umuryango we kuri uyu musozi yavuze ko icyamuteye ishyaka ari ukubera ariwo washingiweho mu kwandika Avatar.

Yagize ati “Filime yaratunyuze kandi hano hantu ni heza bihebuje.’’

Umuyobozi wa Sosiyete igenzura ascenseur yitwa “Hundred Dragons”, Liu Jie, yagize ati “Imiterere yawo [umusozi] ibereye gukoreshwamo ascenseur nk’uburyo bw’ingendo guhitamo kuyikora.’’

“Mbere hari imodoka zigendera ku migozi kandi zifite ubushobozi zitarenza, byatumaga abakerarugendo bategereza igihe kirekire.’’

Ubusanzwe ukoresheje inzira yo kurira n’amaguru yakoreshaga amasaha atatu kugira ngo agere mu bushorishori.

Ku munsi nibura ba mukerarugendo 8,000 ni bo basura uyu musozi nubwo mbere y’icyorezo cya Coronavirus bashoboraga kugera ku 14,000.

Iyi ascenseur iri mu ndende zubatse hanze y'inzu ku Isi
Ku munsi nibura ba mukerarugendo 8,000 ni bo basura uyu musozi nubwo mbere y’icyorezo cya Coronavirus bashoboraga kugera ku 14,000
Ubusanzwe ukoresheje inzira yo kurira n’amaguru yakoreshaga amasaha atatu kugira ngo agere mu bushorishori
Nawe urabibona ko iyi ascenseur ari ndende cyane
Ascenseur ndende ku Isi yatangiye gutwara ba mukerarugendo mu Bushinwa
Abahasura bishimira ibihe byiza bahagirira, bamwe bakanafata amafoto y'urwibutso

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .