Nkombo: Bibutse abarimu n’abanyeshuri bazize Jenoside

Yanditswe na

Jean Pierre NIYIBIZI

Kuya 28 Gicurasi 2012 saa 06:55
Yasuwe :
0 0

Kuwa gatanu, tariki ya 25 Gicuransi 2012, abarezi n’abanyeshuri bo mu bigo by’amashuri abanza n’ayisumbuye bikorera mu Murenge wa Nkombo, bibutse abari abanyeshuri n’abarezi bazize Jenoside yakorewe Abatutsi mu w’1994 mu Rwanda.
Mu butumwa bwatangiwe muri uwo muhango, ahanini bwashishikarije urubyiruko rwari aho kwamaganira kure iki no kwirinda uwabazanamo ingengabitekerezo ya Jenoside.
Umuhango wo kwibuka abarezi n’abanyeshuri bazize Jenoside yakorewe Abatutsi mu Rwanda, by’umwihariko mu (...)

Kuwa gatanu, tariki ya 25 Gicuransi 2012, abarezi n’abanyeshuri bo mu bigo by’amashuri abanza n’ayisumbuye bikorera mu Murenge wa Nkombo, bibutse abari abanyeshuri n’abarezi bazize Jenoside yakorewe Abatutsi mu w’1994 mu Rwanda.

Mu butumwa bwatangiwe muri uwo muhango, ahanini bwashishikarije urubyiruko rwari aho kwamaganira kure iki no kwirinda uwabazanamo ingengabitekerezo ya Jenoside.

Umuhango wo kwibuka abarezi n’abanyeshuri bazize Jenoside yakorewe Abatutsi mu Rwanda, by’umwihariko mu Murenge wa Nkombo watangijwe n’urugendo rwaturutse ku Rwunge rw’Amashuri rwa Mutagatifu Petero berekeza ahitwa ku Gisunyu, aha akaba ari naho hashyizwe ikimenyetso kigaragaza ahiciwe inzirakarengane z’Abatutsi mu mwaka w’1994 muri Nkombo.

Nyuma yo gushyira indabyo aho ku nkengero z’Ikiyaga cya Kivu no gucana urumuri rw’icyizere, abari bateraniye aho bafashe umunota wo kwibuka abiciwe aho ku Gisunyu, nk’uko byagarutsweho n’Umuyobozi wa Ibuka mu Murenge wa Nkombo yavuze ko, muri bane biciwe aho ku Nkombo, habashije kuboneka umubiri umwe washyinguwe mu cyubahiro naho indi ikaba itarabashije kuboneka bakaba bakekako nyuma yo kwicwa baba baratawe mu Kiyaga cya Kivu.

Umwe mu barezi baganiriye n’Indatwa Magazine yatangaje ko, n’ubwo nta munyeshuri cyangwa umurezi wo mu Murenge wa Nkombo baba barishwe mu gihe cya Jenoside yakorewe Abatutsi, ariko ko icyangombwa ari ukugera ikirenge mucy’abandi bibuka abarimu n’abanyeshuri bishwe kuko n’abiciwe ahandi nabo bagomba kwibukwa bityo akaba ariyo mpamvu bateguye uwo muhango wo kwibuka.

Umunyeshuri witwa Damascene waganiriye n’Indatwa Magazine yayibwiye ko n’ubwo yavutse nyuma ya Jenoside ndetse ibyabaye akaba abyumva nk’amateka, kimwe na bagenzi be ngo bazahora birinda amacakubiri n’ibindi bintu byose byabazana mu ngengabitekerezo ya Jenoside kuko ingaruka zayo nabo zibageraho.

Umukozi ushinzwe irangamimerere n’ibibazo by’abaturage mu Murenge wa Nkombo yasabye abana gukura birinda ikibi kandi abarezi nabo bakihatira kujya batanga inyigisho zishingiye kundanga gaciro z’umunyarwanda muzima.

Abarezi n’abanyeshuri bitabiriye uwo muhango ari abo mu G.S St Pierre, GS St Irene, GS, St Jean n’abo mu ishuri ribanzazrya Mutagatifu Petero yose akaba akorera mu Murenge wa Nkombo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .