Johnson & Johnson nayo yahagaritse igerageza ry’urukingo rwa Covid-19

Yanditswe na Ishimwe Alain
Kuya 13 Ukwakira 2020 saa 01:33
Yasuwe :
0 0

Ikigo cy’Abanyamerika gikora ibikoresho byo kwa muganga, Johnson & Johnson, cyatangaje ko cyasubitse igerageza ry’urukingo rwa COVID-19 cyakoze, nyuma y’uko umwe mu baruhawe agize uburwayi butaramenyekana.

Uru rukingo rwa Johnson & Johnson ni rumwe muri nke zari zigeze mu cyiciro cya nyuma cy’igerageza.

Mu itangazo ryashyizwe hanze kuri uyu wa 12 Ukwakira, iki kigo cyavuze ko uwagizweho ingaruka n’uru rukingo ari gukurikiranwa. Ati “Tugomba kubaha ubuzima bwite bw’uwakorerwagaho ubushakashatsi, turi kwiga byinshi ku burwayi bwe.”

Mu gihe bizaba bimaze kumenyekana icyatumye uyu muntu arwara, Johnson & Johnson ivuga ko ibikorwa byo kugerageza uru rukingo bizasubukurwa.

Johnson & Johnson yatangije ibikorwa byo kugerageza uru rukingo ku wa 23 Nzeri, aho byari biteganyijwe ko ruzageragerezwa ku bantu ibihumbi 60.

Uku guhagarikwa k’ubu bushakashatsi bwa Johnson & Johnson bikurikiye guhagarikwa kw’igerageza ry’urukingo rwa AstraZeneca.

Muri Nzeri, AstraZeneca yahagaritse igerageza ry’urukingo rwayo kubera ko narwo rwari rwagize ingaruka ku waruhawe ariko nyuma ibikorwa byo kurugerageza biza kongera gusubukurwa.

Johnson & Johnson yahagaritse ibikorwa byo kugerageza urukingi rwayo rwa Covid-19, nyuma y'uko rugize ingaruka ku muntu umwe waruhawe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .