00:00:00 IGIHE NETWORK KN KINYARWANDA EN ENGLISH FR FRANCAIS

Buri mukozi wa Microsoft yagenewe $1500 kubw’umuhate mu bihe bya Covid-19

Yanditswe na Nkurunziza Jean Baptiste
Kuya 11 Nyakanga 2021 saa 09:39
Yasuwe :
0 0

Sosiyete ya Microsoft yashimiye abakozi bayo ku muhate bagaragaje mu bihe bya Covid-19, maze buri mukozi agenerwa angana n’igihumbi magana atanu y’amadorari y’Amerika.

Microsoft igiye gusohora agera kuri miliyoni 200 z’Amadorari mu gushimira abakozi bayo ku muhate n’ubudasa bagaragaje mu bihe by’icyorezo cya Covid-19, ibintu byatumye iki kigo kigihagaze bwuma mu kwinjiza agatubutse.

Abakozi bagenewe iri shimwe ni abo mu myanya itari iy’ubuyobozi bukuru bageze muri iki kigo mbere ya tariki 31 Werurwe 2021.

Aka gahimbazamusyi Microsoft yageneye abakozi bayo ntago kazahabwa abakora mu bigo byayo bya GitHub, Zenimax na LinkedIn, ndetse n’abayobozi bayo bakuru.

Iki kigo cya Microsoft mu mezi atatu ya mbere ya 2021 inyungu yacyo yarazamutse igera kuri 38% ugereranyije n’igihe nk’icyo mu 2020.

Ibikorwa nk’ibi kandi byakozwe na Facebook ku bakozi bayo muri Werurwe 2020, ibagenera agera ku 1,000 y’amadorari yo kubafasha ku ngaruka baterwaga na Covid-19. Muri Gicurasi uwo mwaka Google nayo yabikoze ku bakozi bayo.

Microsoft yageneye ishimwe abakozi bayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .