Twitter yahuye n’ibibazo ihagarara gukora mu bice byose by’Isi

Yanditswe na Umwali Zhuri
Kuya 16 Ukwakira 2020 saa 05:28
Yasuwe :
0 0

Abakoresha urubuga nkoranyambaga bamaze amasaha menshi bari mu mwijima mu ijoro rishyira kuri uyu wa Gatanu nyuma y’aho uru rubuga nkoranyambaga ruri mu zikunzwe ku Isi rwahuraga n’ibibazo bya tekiniki.

Twitter yatangaje ko uko guhagarara kwatewe n’impinduka z’ingenzi zakorwaga mu mikorere yayo. Hirya no hino abakoresha uru rubuga ntibabashaga kurusura ngo bikunde kubera ibyo bibazo.

Iki kibazo cyatangiye ahagana saa 21:30 z’ijoro gusa nyuma cyaje gukemuka abantu bongera gukoresha uru rubuga nk’ibisanzwe.

Twitter yatangaje ko ikibazo cyabayeho kitari cyatewe n’abajura bayinjiriye cyangwa se ibindi bikorwa bigamije guhungabanya umutekano wayo. Abagenzura ibya internet bo hirya no hino ku Isi nabo bavuze ko uku kuva ku murongo kutatewe n’ibibazo bya internet mu gihugu runaka.

Muri Nyakanga uyu mwaka, abajura mu ikoranabuhanga bari binjiriye konti z’abantu bakomeye kuri uru rubuga zirimo iya Barack Obama, Elon Musk, Kanye West na Bill Gates bituma izindi nyinshi ziba zihagaritswe mu guhangana n’icyo gitero.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .