00:00:00 IGIHE NETWORK KN KINYARWANDA EN ENGLISH FR FRANCAIS

U Bufaransa bwaciye Google na Facebook asaga miliyari 237 Frw

Yanditswe na IGIHE
Kuya 7 Mutarama 2022 saa 01:45
Yasuwe :

Leta y’u Bufaransa yaciye ibigo by’ikoranabuhanga bya Google na Facebook amande ya miliyoni 237 z’Amayero (asaga miliyari 237 Frw) kubera kudaha abaturage uburyo bwo guhitamo ko hari amakuru abikwa igihe bari gusura imbuga zabyo.

Facebook yaciwe miliyoni 60 z’Amayero, mu gihe Google yaciwe miliyoni 150.

Ibi bigo byaciwe aya mande kuko abakoresha Facebook n’abasura ishakiro rya Google ndetse na Youtube isanzwe ari iya Google badahabwa uburenganzira bwo kwemeza ko bashaka gukoresha ‘cookies’.

Cookies ni uburyo bw’inyandiko nto urubuga rubika mu mashini yawe, ziba zikubiyemo amakuru ajyanye n’ibikorwa wakoreye kuri urwo rubuga.

Ku mbuga nyinshi mbere y’uko zitangira gukora izi nyandiko zibanza kugusaba kubyemeza, gusa ku ishakiro rya Google, Facebook na Youtube siko bimeze ari na ho u Bufaransa byahereye bubica aya mande.

Leta y’u Bufaransa yatangaje ko yahaye ibi bigo amezi atatu kugira ngo bitangire gukoresha ubu buryo. Nibidakorwa buri kigo ngo kizajya gicibwa ibihumbi 100 by’Amayero buri munsi.

Google yabwiye Ibiro Ntaramakuru by’Abafaransa, AFP ko yiteguye gutangira kubahiriza iri tegeko ryashyizweho n’u Bufaransa.

Si ubwa mbere u Bufaransa bufatira ibigo by’ikoranabuhanga ubu bwoko bw’ibihano kuko mu 2020 Google yaciwe miliyoni 100 z’Amayero, Amazone icibwa miliyoni 35.

U Bufaransa bwaciye Google na Facebook asaga miliyari 237 Frw

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .